Eks-ministr finansaŭ Rasii, kiraŭnik Centra stratehičnych raspracovak Alaksiej Kudryn u intervju Bloomberg zajaviŭ, što rasijskija ŭłady nie hatovyja da reformaŭ navat paśla «stračanaha dziesiacihodździa».
«Stračanym dziesiacihodździem» Kudryn nazyvaje apošnija 10 hadoŭ, kali ekanamičny rost Rasii ŭ siarednim składaŭ usiaho 1%, pry tym, što ŭ pieršyja dva terminy praŭleńnia Uładzimira Pucina hety pakazčyk dasiahaŭ 7%.
«Rasija katastrafična hublaje čas. Na žal, ułady ŭśviedamlajuć nieabchodnaść praviadzieńnia strukturnych źmien vielmi marudna», — narakaje kiraŭnik CSR.
Kudryn taksama raspavioŭ Bloomberg, što sumniavajecca ŭ tym, što Pucin całkam uchvalić prapanavanuju im stratehiju raźvićcia Rasii na pieryjad 2018-2024 hadoŭ. Pa słovach eks-ministra, heta źviazana z tym, što prapanavanyja im miery iduć nasupierak z kramloŭskaj madellu centralizavanaha kiravańnia, jakaja była vybudavanaja Pucinym u tyja časy, kali ceny na naftu byli ŭdvaja vyšejšyja za ciapierašnija.
U čaćvier, vystupajučy na Pieciarburhskim mižnarodnym ekanamičnym forumie, Kudryn taksama padkreśliŭ, što ŭłady nie zmohuć damahčysia pavyšeńnia tempaŭ ekanamičnaha rostu navat da 3%, kali nie buduć uličvać patrabavańni suśvietnaha rynku i technałahičnaj revalucyi i nie pačnuć vybudoŭvać źniešnija kamunikacyi na zusim novym uzroŭni.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary