Mierkavanyja łondanskija terarysty byli vychadcami z Pakistana i Maroka, adzin ź ich doŭhi čas žyŭ u Irłandyi. Pavodle niepaćvierdžanaj infarmacyi, usie troje byli žanatyja, piša DW.
Łondanskaja palicyja ŭ paniadziełak, 5 červienia, apublikavała imiony i zdymki dvaich z traich mierkavanych złačyncaŭ, jakija ździejśnili terakt u noč na 4 červienia.
Aficyjnaja pracedura apaznańnia ciełaŭ jašče nie praviedziena, adnak palicyja zychodzić z taho, što napadnikami byli Churam Šazad Bat, 27-hadovy paddany Vialikabrytanii, jaki naradziŭsia ŭ Pakistanie, a taksama Rašyd Reduan, 30-hadovy hramadzianin Maroka abo Livii, jaki taksama nasiŭ proźvišča Elchdar. Abodva žyli ŭ rajonie Barkinh va ŭschodniaj častcy Łondana. Asoba treciaha napadnika pakul nie ŭstanoŭlena.
Brytanskija ŚMI taksama paviedamlajuć detali pra mierkavanych złačyncaŭ. Vychadziec z Pakistana byŭ žanaty i mieŭ dziaciej. Žonku hramadzianina Maroka zatrymali padčas antyterarystyčnych rejdaŭ, piša miedyjakampanija VVS.
Adzin z terarystaŭ nibyta peŭny čas žyŭ u Irłandyi. Paśla taho, jak jon byŭ zabity, u kišeni ŭ jaho znajšli dazvoł na znachodžańnie ŭ hetaj krainie, paviedamiła infarmacyjnaje ahienctva AP sa spasyłkaj na krynicy, blizkija da śledstva. Pavodle niepaćvierdžanych źviestak, mužčyna pražyvaŭ u Dublinie i byŭ žanaty z hramadziankaj Šatłandyi.
Kamientary