Zołatavalutnyja reziervy Biełarusi ŭ vyznačeńni SSRD MVF na 1 červienia 2017 h., pa papiarednich źviestkach, skłali 5 238,9 młn. dołaraŭ ZŠA (u ekvivalencie).
Za maj 2017 hoda zołatavalutnyja reziervy pavialičylisia na 130,2 młn. dołaraŭ ZŠA (na 2,5 pracenta) paśla rostu ŭ krasaviku na 92,6 młn. dołaraŭ ZŠA (na 1,8 pracenta). Pa vynikach studzienia — maja 2017 hoda pryrost reziervaŭ skłaŭ 311,7 młn. dołaraŭ ZŠA (6,3 pracenta).
U nacyjanalnym vyznačeńni abjom zołatavalutnych reziervaŭ na 1 červienia 2017 h. skłaŭ 5 604,1 młn. dołaraŭ ZŠA, źniziŭšysia za maj na 68,4 młn. dołaraŭ ZŠA (na 1,2 pracenta) paśla rostu ŭ krasaviku 2017 hoda na 263,4 młn. dołaraŭ ZŠA (na 4,9 pracenta). Za studzień — maj reziervy ŭ nacyjanalnym vyznačeńni vyraśli na 419,1 młn. dołaraŭ ZŠA (na 8,1 pracenta).
Pavieličeńniu zołatavalutnych reziervaŭ u mai spryjali pastupleńnie srodkaŭ ad prodažu Nacyjanalnym bankam Respubliki Biełaruś ablihacyj, naminiravanych u zamiežnaj valucie, kupla Nacyjanalnym bankam zamiežnaj valuty na tarhach AAT «Biełaruskaja valutna-fondavaja birža», pastupleńni ad źbirańnia ekspartnych pošlin na naftu i naftapradukty, a taksama pavieličeńnie koštu manietarnaha zołata.
Strymalny ŭpłyŭ na dynamiku reziervaŭ akazała płanavaje pahašeńnie Uradam i Nacyjanalnym bankam Respubliki Biełaruś źniešnich i ŭnutranych abaviazacielstvaŭ u zamiežnaj valucie.
U 2016 hodzie zołatavalutnyja reziervy Respubliki Biełaruś u vyznačeńni SSRD MVF pavialičylisia na 751,4 młn. dołaraŭ ZŠA (na 18,0 pracenta) — da 4 927,2 młn. dołaraŭ ZŠA (u ekvivalencie) na 1 studzienia 2017 h. Asnoŭnymi napramkami hrašova-kredytnaj palityki na 2017 hod praduhledžany rost zołatavalutnych reziervaŭ u vyznačeńni SSRD MVF nie mienš čym na 500 młn. dołaraŭ ZŠA.
Kamientary