Золатавалютныя рэзервы Беларусі ў вызначэнні ССРД МВФ на 1 чэрвеня 2017 г., па папярэдніх звестках, склалі 5 238,9 млн. долараў ЗША (у эквіваленце).
За май 2017 года золатавалютныя рэзервы павялічыліся на 130,2 млн. долараў ЗША (на 2,5 працэнта) пасля росту ў красавіку на 92,6 млн. долараў ЗША (на 1,8 працэнта). Па выніках студзеня — мая 2017 года прырост рэзерваў склаў 311,7 млн. долараў ЗША (6,3 працэнта).
У нацыянальным вызначэнні аб'ём золатавалютных рэзерваў на 1 чэрвеня 2017 г. склаў 5 604,1 млн. долараў ЗША, знізіўшыся за май на 68,4 млн. долараў ЗША (на 1,2 працэнта) пасля росту ў красавіку 2017 года на 263,4 млн. долараў ЗША (на 4,9 працэнта). За студзень — май рэзервы ў нацыянальным вызначэнні выраслі на 419,1 млн. долараў ЗША (на 8,1 працэнта).
Павелічэнню золатавалютных рэзерваў у маі спрыялі паступленне сродкаў ад продажу Нацыянальным банкам Рэспублікі Беларусь аблігацый, намініраваных у замежнай валюце, купля Нацыянальным банкам замежнай валюты на таргах ААТ «Беларуская валютна-фондавая біржа», паступленні ад збірання экспартных пошлін на нафту і нафтапрадукты, а таксама павелічэнне кошту манетарнага золата.
Стрымальны ўплыў на дынаміку рэзерваў аказала планавае пагашэнне Урадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце.
У 2016 годзе золатавалютныя рэзервы Рэспублікі Беларусь у вызначэнні ССРД МВФ павялічыліся на 751,4 млн. долараў ЗША (на 18,0 працэнта) — да 4 927,2 млн. долараў ЗША (у эквіваленце) на 1 студзеня 2017 г. Асноўнымі напрамкамі грашова-крэдытнай палітыкі на 2017 год прадугледжаны рост золатавалютных рэзерваў у вызначэнні ССРД МВФ не менш чым на 500 млн. долараў ЗША.
Цяпер чытаюць
«На караблі кожны дзень — панядзелак». Беларуска расказала пра сваю працу на круізным лайнеры4
Каментары