Za hibiel školnicy z Maładziečna na ŭborcy bulby buduć sudzić dźviuch nastaŭnic
Dźvie nastaŭnicy z Maładziečna paŭstanuć pierad sudom praź śmierć vučanicy, paviedamili BIEŁTA ŭ prakuratury Minskaj vobłaści.
Prakuratura Minskaj vobłaści nakiravała ŭ sud Maładziečanskaha rajona kryminalnuju spravu ŭ dačynieńni da nastaŭnic siaredniaj škoły №11 Maładziečna, jakija abvinavačvajucca ŭ nienaležnym vykanańni abaviazkaŭ pa zabieśpiačeńni biaśpieki žyćcia i zdaroŭja vučanicy 8-ha kłasa padčas vykanańnia sielhasrabot, što paciahnuła pa nieaściarožnaści śmierć dziaŭčynki.
Papiaredniaje rasśledavańnie pavodle kryminalnaj spravy pravodziła ŭpraŭleńnie Śledčaha kamiteta pa Minskaj vobłaści. Vyjaŭlena, što 44-hadovaja nastaŭnica fiziki i 32-hadovaja nastaŭnica zamiežnaj movy supravadžali 20 vučniaŭ na sielskahaspadarčaje pole AAT «Uschod-Ahra» dla ŭborki bulby. U adpaviednaści sa svaimi słužbovymi abaviazkami jany pavinny byli zabiaśpiečyć biaśpieku žyćcia i zdaroŭja niepaŭnaletnich — jak u šlachu, tak i padčas uborki.
Paśla zakančeńnia rabot 29 vieraśnia 2016 hoda nastaŭnicy nie prajavili ŭvažlivaść i pradbačlivaść, nienaležna vykanali svaje abaviazki — nie zabiaśpiečyli biaśpiečnaje pieramiaščeńnie navučencaŭ ad miesca praviadzieńnia sielhasrabot da miesca pasadki ŭ aŭtobus. Z pryčyny hetaha na 13-hadovuju dziaŭčynku na poli najechaŭ hruzavy samazvał. U vyniku joj byli pryčynienyja ciažkija cialesnyja paškodžańni, ad jakich jana pamierła na miescy zdareńnia.
Dziejańni abvinavačanych kvalifikavanyja pa č. 2 art. 165 KK RB — nienaležnaje vykanańnie abaviazkaŭ pa zabieśpiačeńni biaśpieki žyćcia i zdaroŭja małaletniaha asobaj, na jakuju takija abaviazki ŭskładzienyja pa słužbie, što paciahnuła pa nieaściarožnaści śmierć małaletniaha, pry adsutnaści prykmiet słužbovaha złačynstva.
Dziejnym kryminalnym zakanadaŭstvam za ŭčynieńnie takoha złačynstva praduhledžana pakarańnie ŭ vyhladzie pazbaŭleńnia voli na termin da 4 hadoŭ sa štrafam i pazbaŭleńniem prava zajmać peŭnyja pasady na termin da 5 hadoŭ.
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak8
Kamientary