Ministr zamiežnych spraŭ Kazachstana Kajrat Abdrachmanaŭ prakamientavaŭ paviedamleńni ŚMI ab tym, što Rasija prapanavała nakiravać u zony deeskałacyi ŭ Siryi vajskoŭcaŭ z Kazachstana i Kyrhyzstana, paviedamlaje Tengrinews.kz.
«Pradastaŭleńnie Kazachstanam placoŭki Astany dla sustreč zacikaŭlenych bakoŭ źjaŭlajecca realnym układam našaj krainy ŭ praces ŭrehulavańnia Siryjskaha kryzisu. Kazachstan ni z kim nie viadzie pieramovaŭ pa adpraŭcy svaich vajskoŭcaŭ u Siryju. Pytańnie ab tym, jak budzie harantavana biaśpieka i efiektyŭnaść čatyroch zon deeskałacyi ŭ Siryi, u ciapierašni čas znachodzicca ŭ kampietencyi krain - harantaŭ astaninskaha pracesu, jakija abmiarkujuć hetyja i inšyja pytańni ŭ chodzie majučaj adbycca sustrečy ŭ Astanie 4-5 lipienia», - paviedamiŭ kiraŭnik MZS RK u kułuarach V Suśvietnaha kurułtaja kazachaŭ ŭ Astanie.
Napiaredadni tureckija i rasijskija ŚMI paviedamili pra toje, što Rasija prapanavała nakiravać u zony deeskałacyi ŭ Siryi vajskoŭcaŭ z Kazachstana i Kyrhyzstana. Kiraŭnik kamiteta Dziarždumy Rasii pa abaronie Uładzimir Šamanaŭ paćvierdziŭ, što Maskva viadzie pieramovy z Kazachstanam i Kyrhyzstanam ab adpraŭcy ich vajskoŭcaŭ u Siryju. Jon adznačyŭ, što «jość namiery i pačatak pieramoŭnaha pracesu, ale rašeńnie pakul nie pryniata».
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary