Міністр замежных спраў Казахстана Кайрат Абдрахманаў пракаментаваў паведамленні СМІ аб тым, што Расія прапанавала накіраваць у зоны дээскалацыі ў Сірыі вайскоўцаў з Казахстана і Кыргызстана, паведамляе Tengrinews.kz.
«Прадастаўленне Казахстанам пляцоўкі Астаны для сустрэч зацікаўленых бакоў з'яўляецца рэальным укладам нашай краіны ў працэс ўрэгулявання Сірыйскага крызісу. Казахстан ні з кім не вядзе перамоваў па адпраўцы сваіх вайскоўцаў у Сірыю. Пытанне аб тым, як будзе гарантавана бяспека і эфектыўнасць чатырох зон дээскалацыі ў Сірыі, у цяперашні час знаходзіцца ў кампетэнцыі краін - гарантаў астанінскага працэсу, якія абмяркуюць гэтыя і іншыя пытанні ў ходзе маючай адбыцца сустрэчы ў Астане 4-5 ліпеня», - паведаміў кіраўнік МЗС РК у кулуарах V Сусветнага курултая казахаў ў Астане.
Напярэдадні турэцкія і расійскія СМІ паведамілі пра тое, што Расія прапанавала накіраваць у зоны дээскалацыі ў Сірыі вайскоўцаў з Казахстана і Кыргызстана. Кіраўнік камітэта Дзярждумы Расіі па абароне Уладзімір Шаманаў пацвердзіў, што Масква вядзе перамовы з Казахстанам і Кыргызстанам аб адпраўцы іх вайскоўцаў у Сірыю. Ён адзначыў, што «ёсць намеры і пачатак перамоўнага працэсу, але рашэнне пакуль не прынята».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім11
Каментары