Facebook pačnie abaraniać fatahrafii karystalnikaŭ ad kradziažu
Karystalniki sacyjalnych sietak raz-poraz sutykajucca z dylemaj, kali, z adnaho boku, jość žadańnie padzialicca svaimi dobrymi i pryhožymi fotazdymkami, ale nie chočacca, kab niechta hetyja fotazdymki skraŭ i vykarystoŭvaŭ u svaich metach. Dla taho, kab abaranić fotazdymki svaich karystalnikaŭ, Facebook vyrašyŭ ukaranić novuju funkcyju, jakaja nie tolki nie dazvolić skapiravać abaronieny fotazdymak, ale navat zabaronić rabić skrynšot z takich fota. Pakul takaja funkcyja dastupnaja tolki karystalnikam ź Indyi, ale nieŭzabavie ŭsie karystalniki zmohuć abaranić svaje fota.
Kradziež fotazdymkaŭ i ich vykarystańnie ŭ fejkavych akaŭntach — hłabalnaja prablema. Zhodna sa spravazdačaj Facebook, tolki ŭ 2012 hodzie sacyjalnaja sietka mieła bolš za 83 młn fejkavych akaŭntaŭ. Za piać hadoŭ hetaja ličba ŭzrasła jašče ŭ niekalki razoŭ.
Abaronieny novaj funkcyjaj fotazdymak budzie mieć błakitnuju ramku. Zachavać takuju vyjavu z dapamohaj kantekstnaha mieniu budzie niemahčyma na ŭsich pryładach. A voś zabarona na skrynšoty budzie pracavać pakul tolki ŭ pryładach na bazie apieracyjnaj sistemy Android. Taksama karystalniki zaraz nie zmohuć nikoha adznačać na čužych avatarkach, što raniej možna było rabić biez dazvołu.
Jašče dla abarony fatahrafij profilu Facebook dazvolić nanosić na ich uzory, što moža strymać złamyśnikaŭ ad vykarystańnia vašych fotazdymkaŭ.
Jak miarkuje The Washington Post, nastupnym krokam sacyjalnaj sietki moža być uviadzieńnie technałohii, jakaja b sihnalizavała pra vykarystańnie čužych fotazdymkaŭ.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary