Praces źniaćcia ź Biełarusi kanadskich sankcyj, jaki pačaŭsia bolš za hod tamu, zavieršycca 12 lipienia, paviedamlaje sajt urada Kanady. Biełaruś vyklučać sa śpisu krain, dla ekspartu ŭ jakija patrebny dazvoł Ministerstva zamiežnych spraŭ i mižnarodnaha handlu Kanady (Area Control List). Siońnia tam znachodziacca tolki Biełaruś i Paŭnočnaja Kareja.
Kanada ŭviała ekanamičnyja sankcyi ŭ dačynieńni da Biełarusi ŭ śniežni 2006 hoda. Atava patłumačyŭ svajo rašeńnie žadańniem akazać cisk na kiraŭnictva Biełaruś z-za parušeńniaŭ pravoŭ čałavieka.
U mai 2016 hoda MZS Kanady zajaviła, što sankcyi buduć admienieny «ŭ adkaz na niadaŭnija pazityŭnyja padziei ŭ Biełarusi». U viedamstvie ŭdakładnili, što majuć na ŭvazie kanstruktyŭnuju rolu Minska va ŭrehulavańni kanfliktu va Ukrainie, praviadzieńnie prezidenckich vybaraŭ u kastryčniku 2015 hoda, jakija nie byli adznačany «hvałtam i zapałochvańniem, jak na papiarednich vybarach», i vyzvaleńnie palitviaźniaŭ.
Da niadaŭniaha času Kanadu ŭ Biełarusi pradstaŭlaŭ časovy pavierany. 13 śniežnia 2016 hoda Alaksandr Łukašenka pryniaŭ davierčyja hramaty pasła Kanady ŭ Biełarusi Styviena de Bora.
Kamientary