Працэс зняцця з Беларусі канадскіх санкцый, які пачаўся больш за год таму, завершыцца 12 ліпеня, паведамляе сайт урада Канады. Беларусь выключаць са спісу краін, для экспарту ў якія патрэбны дазвол Міністэрства замежных спраў і міжнароднага гандлю Канады (Area Control List). Сёння там знаходзяцца толькі Беларусь і Паўночная Карэя.
Канада ўвяла эканамічныя санкцыі ў дачыненні да Беларусі ў снежні 2006 года. Атава патлумачыў сваё рашэнне жаданнем аказаць ціск на кіраўніцтва Беларусь з-за парушэнняў правоў чалавека.
У маі 2016 года МЗС Канады заявіла, што санкцыі будуць адменены «ў адказ на нядаўнія пазітыўныя падзеі ў Беларусі». У ведамстве ўдакладнілі, што маюць на ўвазе канструктыўную ролю Мінска ва ўрэгуляванні канфлікту ва Украіне, правядзенне прэзідэнцкіх выбараў у кастрычніку 2015 года, якія не былі адзначаны «гвалтам і запалохваннем, як на папярэдніх выбарах», і вызваленне палітвязняў.
Да нядаўняга часу Канаду ў Беларусі прадстаўляў часовы павераны. 13 снежня 2016 года Аляксандр Лукашэнка прыняў даверчыя граматы пасла Канады ў Беларусі Стывена дэ Бора.
Цяпер чытаюць
Хто забараняе ў Беларусі кнігі — вось гэтыя 22 чалавекі19
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары