Jak paviedamlaje hałandskaja telekampanija NOS sa spasyłkaj na MZS krainy, sud nad vinavatymi ŭ hibieli pasažyraŭ rejsa MH-17 na Danbasie letam 2014 hoda projdzie ŭ Niderłandach. Sudzić ich buduć pavodle hałandskaha zakanadaŭstva.
Pryniataje rašeńnie padtrymali ŭsie piać krain, jakija ŭdzielničajuć u mižnarodnym rasśledavańni (Aŭstralija, Bielhija, Małajzija, Niderłandy, Ukraina). Jany vykazali poŭny davier da hałandskaha pravasudździa, piša RBK.
Niderłandy i Ukraina zaklučać u ramkach rasśledavańnia spravy ab katastrofie MH-17 pahadnieńnie ab mižnarodna-pravavym supracoŭnictvie. Dakumient budzie padpisany 7 lipienia, paviedamlajecca na sajcie MZS Ukrainy. U zajavie viedamstva adznačajecca, što hety krok praduhledžvaje «praktyčnyja aśpiekty pieradačy jurysdykcyi ad Ukrainy Niderłandam», a taksama robić mahčymym udzieł u pracesie pa spravie «ŭsich padazravanych u złačynstvie».
Za dva hady rasśledavańnia kamisija vyśvietliła, što samalot byŭ źniščany ŭ vyniku vybuchu rakiety, vypuščanaj sistemaj «Buk M-1». Akramia taho, vosieńniu minułaha hoda śledčyja zajavili, što prytrymlivajucca viersii, pavodle jakoj rakietnaja ŭstanoŭka znachodziłasia na terytoryi, kantralavanaj sieparatystami. Tym nie mienš, kankretnych padazravanych kamisija pakul nie nazyvała.
U pačatku červienia hrupa Bellingcat apublikavała infarmacyju ab tym, što ZRK «Buk», jaki vypuściŭ rakietu, byŭ prypisany da 53-j bryhadzie rasijskaj armii.
Rasija z papiarednimi vysnovami mižnarodnaj kamisii i materyjałami Bellingcat nie zhodnaja.
-
U pravasłaŭnaj parafii na poŭdni Polščy carkoŭnaja ŭračystaść pieratvaryłasia va ŭsłaŭleńnie Rasii. Z pratestam vystupili lemki
-
Tramp zajaviŭ, što ź Iranam jaho zadavolić tolki «idealnaja ździełka». A prosta dobruju jon moh by zaklučyć prosta zaraz
-
U Italii biełarusa padazrajuć va ŭdziele ŭ złačynnaj hrupie
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia10
Kamientary