Pieršy biudžetny elektrakar Tesla Model 3 syšoŭ z kanviejera na zavodzie kampanii ŭ Frymancie, Kalifornija. Fatahrafii sieryjnaj madeli vykłaŭ u Twitter SIEO kampanii Iłan Mask.
Uładalnikam mašyny staŭ sam Mask. Raniej jon taksama atrymaŭ pieršyja sieryjnyja madeli Tesla Roadster i Model X, a voś Model S jamu nie dastałasia. Debiutnuju mašynu atrymlivaje «pieršy, chto vypłačvaje poŭny košt aŭto», raspavioŭ pradprymalnik. Tak Model 3 pavinna była dastacca ŭdzielniku savieta dyrektaraŭ aŭtavytvorcy, adnak jon padaryŭ miesca ŭ čarzie Masku na dzień naradžeńnia.
Detalovyja charaktarystyki novaha aŭto stanuć viadomyja na viečarynie Tesla 28 lipienia, dzie atrymajuć svaje Model 3 nastupnyja 30 ščaśliŭčykaŭ.
U čas pradstaŭleńnia elektrakar ŭ krasaviku 2016 hoda Mask abviaściŭ, što cana Model 3 startuje z $35 tysiač.
Jana zmoža razhaniacca da 100 km/h za 6 siekund, a prabieh na adnym zaradzie pavinien być nie mienšym za 350 km. Bazavaja kamplektacyja budzie ŭklučać prahramnaje zabieśpiačeńnie, nieabchodnaje dla pracy aŭtapiłota. Adnak za jaho aktyvacyju, chutčej za ŭsio, treba budzie dapłacić.
Pra toje, što Tesla pačnie źbirać Model 3 u červieni, Mask kazaŭ raniej. I nie padmanuŭ. Ciapier čakajem krasovier Model Y, vypusk jakoha rychtujuć na 2020 hod.
Jak ciapier vyhladaje palitźniavoleny Ihar Łosik FOTA16
Kamientary