25 žniŭnia 1991 h. 5-ja niečarhovaja sesija Viarchoŭnaha Savietu Biełaruskaj SSR pryniała zakon «Ab nadańni statusu kanstytucyjnaha zakonu Deklaracyi Viarchoŭnaha Savietu BSSR ab dziaržaŭnym suverenitecie».
25 žniŭnia 1991 h. 5-ja niečarhovaja sesija Viarchoŭnaha Savietu BSSR pryniała zakon «Ab nadańni statusu kanstytucyjnaha zakonu Deklaracyi Viarchoŭnaha Savietu BSSR ab dziaržaŭnym suverenitecie Biełaruskaj Savieckaj Sacyjalistyčnaj Respubliki» i pastanovu «Ab zabieśpiačeńni palityčnaj i ekanamičnaj samastojnaści Biełaruskaj SSR».
Tym samym faktyčna była abvieščana niezaležnaść BSSR.
Jak padkreślivaje ŭ svajoj knizie «Siem hadoŭ adradžeńnia…» Siarhiej Navumčyk, suprać nadańnia Deklaracyi ad dziaržaŭnym suverenitecie statusu kanstytucyjnaha aktu vystupiŭ deputat Łukašenka.
Taja sesija adbyvałasia na treci paśla pravału putču HKČP dzień i prachodziła dosyć burna.
24 žniŭnia BNF vyvieŭ na płošču Lenina dziasiatki tysiač ludziej, a ŭ zalu, dzie adbyvalisia pasiedžańni, Valancinam Hołubievym, Zianonam Paźniakom i Halinaj Siamdzianavaj byŭ uniesieny bieł-čyrvona-bieły ściah, a potym deputaty ad frakcyi BNF nie dapuścili da trybuny hałoŭnaha kamunista Biełarusi Anatola Małafiejeva.
24 žniŭnia staršynia Viarchoŭnaha Savietu BSSR Mikałaj Dziemianciej padaŭ u adstaŭku, pieršym kiraŭnikom niezaležnaj Biełarusi staŭ Stanisłaŭ Šuškievič, što dahetul zajmaŭ pasadu namieśnika staršyni.
19 vieraśnia 1991 h. sesija Viarchoŭnaha Savietu pryniała rašeńnie nazyvać BSSR nadalej Respublika Biełaruś, u skaročanych nazvach – Biełaruś.
Tady ž była pryniata pastanova Viarchoŭnaha Savietu ab dziaržaŭnych symbalach. Dziaržaŭnym ściaham abviaščaŭsia bieł-čyrvona-bieły ściah, hierbam – «Pahonia».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»25
Kamientary