Firma Three Square Market stała pieršaj kampanijaj u ZŠA, jakaja abviaściła ab płanach u najbližejšy čas užyvić ŭsim svaim supracoŭnikam u ruku mikračyp.
Firma prapanuje ŭžyŭlać maleniečkuju mikraschiemu radyjočastotnaj identyfikacyi (RFID) biaspłatna i zapeŭnivaje, što chutka ŭsie kampanii rušać uśled za jaje prykładam, paviedamlaje Bi-bi-si.
Čyp pamieram z rysavaje ziarniatka kaštuje kala 300 dalaraŭ i dazvolić supracoŭnikam kampanii prostym dotykam adčyniać dźviery, łahinicca ŭ kampjutar i navat kuplać ježu.
Na siońniašni dzień 50 supracoŭnikaŭ kampanii ŭžo vykazali žadańnie stać napałovu ludźmi, a napałovu — chadziačymi kredytnymi kartami.
Patryk Makmułan z Three Square Market nie ličyć hetuju ideju antyŭtapičnym kašmaram, a naadvarot, upeŭnieny, što chutka kožny zachoča atrymać svoj ułasny mikračyp.
«Mižnarodny rynak šyroka adkryty, i my miarkujem, što mienavita toj, chto pieršym zachopić hetuju placoŭku, budzie vyznačać trajektoryju ŭsiaho rynku ŭ budučyni», — ličyć Makmułan.
Kampanija, jakaja pradastaŭlaje pasłuhi «mikrarynkaŭ» samaabsłuhoŭvańnia (tak vyhladaje novaja alternatyva aŭtamataŭ pa prodažy roznych tavaraŭ) dla biznesu va ŭsim śviecie, uziała na ŭzbrajeńnie ideju mikračypavańnia, užo realizavanuju ŭ Šviecyi, dzie tak zvanyja «bijachakiery» ŭžyŭlajuć maleniečkija pryłady dobraachvotnikam užo pa mienšaj miery try hady.
Three Square Market supracoŭničaje sa šviedskaj kampanijaj BioHax nad ukaranieńniem hetaj novaj technałohii, jakaja, jak tam ličać, u chutkaj budučyni pieratvorycca ŭ całkam zvyčajny sposab apłaty i identyfikacyi ŭładalnikaŭ. Tolki zamiest kredytnaj karty ci telefona budzie mikračyp pamiž vialikim i pakazalnym palcami.
Jak adreahavali supracoŭniki?
U toj čas jak bolšaść ludziej, napeŭna, dvojčy padumajuć, pierš čym pahadzicca na ŭžyŭleńnie čypa, supracoŭniki Three Square Market, padobna, u masie svajoj staviacca da idei čypavańnia spakojna i nie turbujucca z hetaj nahody.
Z 85 supracoŭnikaŭ hałaŭnoha ofisa kampanii 50 čałaviek biez vahańniaŭ zhadzilisia stać dobraachvotnikami, paviedamiŭ Bi-bi-si vice-prezident pa mižnarodnym raźvićci Toni Danna.
Ci možna adsočvać čypy?
Danna pryznaje, što hetaje pytańnie budzie niepaźbiežna ŭźnikać va ŭsich, chto zachoča prajści praceduru čypavańnia.
«Ale ŭ hetaha čypa niama mahčymaści adsočvańnia pry dapamozie GPS, - tłumačyć jon. - Heta sapraŭdy roŭna taki ž čyp, jak toj, što jość na luboj kredytnaj karcie».
Jak jaho ŭstaŭlajuć — i jak jaho vyciahnuć?
Danna tłumačyć, što asnoŭny sens čypa jakraz u zručnaści.
Jon spadziajecca, što rana ci pozna čyp zamienić usio toje, što zvyčajna čałaviek zachoŭvaje ŭ kašalku: ad elektronnych klučoŭ da kredytnaj karty i paśviedčańnia asoby. Na dadzieny momant heta prosta imknieńnie palehčyć žyćcio tym, chto pracuje ŭ ofisie Three Square Market.
Zručnaj zrabili i praceduru ŭstanoŭki i vydaleńnia čypa.
«Ustavić i vyciahnuć čyp zajmaje kala dvuch siekund», — zapeŭniŭ Danna Bi-bi-si. Ustaŭlajecca jon pry dapamozie «strełu» z admysłovaha špryca, a vymajecca — pry žadańni — nie składaniej, čym zvyčajnaja stremka.
Što rabić, kali ciabie abrabujuć?
Jak i ŭsio ŭ žyćci, takoje moža adbycca. Ale, kaža Danna, pa mienšaj miery, usia važnaja infarmacyja budzie sabrana ŭ adnym miescy, a značyć, možna budzie imhnienna zabłakavać adrazu ŭsie karty i dostup da inšych elektronnych dadzienych.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary