U VNU na dzionnym zastalisia 7 biaspłatnych miescaŭ. Šeść — u alma-mater Łukašenki
Na dzionnuju formu navučańnia na biudžet u VNU Biełarusi zastalisia vakantnymi siem miescaŭ, piša BiełTA. Jašče 16 biaspłatnych miescaŭ pustujuć na zavočku.
Pavodle Ministerstva adukacyi, dadatkovy nabor budzie arhanizavany ŭ Mahiloŭskim dziaržaŭnym univiersitecie imia Kulašova. Tut vakantnymi zastajucca šeść miescaŭ pa śpiecyjalnaści «fizika i infarmatyka» ź dzionnaj formaj navučańnia. A taksama adno — na zavočku. Śpiecyjalnaść — «historyja i hramadaznaŭčyja dyscypliny». Darečy, heta VNU - alma-mater Alaksandra Łukašenki. Jon vyvučaŭ tut historyju i hramadaznaŭstva.
Jašče adno svabodnaje miesca na dzionnym na biudžecie čakaje studenta ŭ Biełaruskim dziaržaŭnym univiersitecie fizičnaj kultury. Śpiecyjalnaść — «spartyŭna-piedahahičnaja dziejnaść (trenierskaja praca pa parusnym sporcie)». Na zavočku pa šerahu śpiecyjalnaściaŭ ŭ VNU budzie abvieščany dadatkovy nabor na 7 biudžetnych miescaŭ.
Połacki dziaržaŭny univiersitet abvieścić danabor na try miescy na zavočnaje navučańnie pa śpiecyjalnaściach «aŭtaservis», «ekanomika i kiravańnie na pradpryjemstvie», «sacyjalnyja kamunikacyi».
Biełaruski dziaržaŭny ŭniviersitet transpartu maje piać biudžetnych miescaŭ na zavočnym adździaleńni pa śpiecyjalnaściach «arhanizacyja pieravozak i kiravańnie na čyhunačnym transparcie» i «pramysłovaje i cyvilnaje budaŭnictva».
Padać dakumienty, kab udzielničać u konkursie danaboru na biudžet, možna ad 30 lipienia da 1 žniŭnia. Zaličeńnie projdzie da 3 žniŭnia.
Kamientary