25 červienia ŭ adnym z rajonaŭ Minskaj vobłaści ŭ lesapałasie la čyhunki minak zaŭvažyŭ vohnišča. Jon padyšoŭ bližej i zaŭvažyŭ u ahni abharełyja pareštki mužčyny.
Pareštki naležali 57-hadovamu minčuku. Pa padazreńni ŭ ździajśnieńni zabojstva byŭ zatrymany 30-hadovy syn mužčyny.
«Zabojstva było ździejśniena na hlebie niepryjaznych asabistych adnosin pamiž baćkam i synam. Baćka pražyvaŭ ź siamjoj syna ŭ adnoj kvatery. Častyja roznahałośsi adbyvalisia praz złoŭžyvańnie baćkam śpirtnymi napojami i adpaviednym ładam žyćcia. Čarhovy kanflikt, jaki zdaryŭsia ŭ noč na 25 červienia, pieraros u bojku. U vyniku było ździejśniena zabojstva. Trup byŭ vyviezieny za miežy horada Minska i dla ŭtojvańnia śladoŭ ździajśnieńnia złačynstva padpaleny», — paviedamlaje milicyja.
Padazravany zatrymany i źmieščany ŭ izalatar časovaha ŭtrymańnia.
Kamientary