Łukašenka raskazaŭ, jak lekavali Statkieviča, i pryploŭ pra vybuchi
Na prykładzie Statkieviča Łukašenka abhruntavaŭ patrebu kupić dadatkovy aparat dla minskaha NPC chirurhii, transpłantałohii i hiematałohii.
Łukašenka na adkryćci palikliniki ŭ Minsku zahavaryŭ pra Mikałaja Statkieviča. Nahadajem, što Statkievič admoviŭsia ad departacyi ź Biełarusi. Tady jaho pasadzili nazad u turmu strohaha režymu, dzie ŭ jaho zdaryŭsia insult. Tolki paśla hetaha eks-kandydata ŭ prezidenty vyzvalili.
«Prykład tamu — Kola Statkievič. Pasiadzieŭ-pasiadzieŭ na miažy na łaŭcy i viarnuŭsia dadomu. A nie viarnuŭsia b — užo b pachavali. Vy jaho niadaŭna vyratavali — insult. Advieźli da Rumo (Aleh Rumo ŭznačalvaje Minski NPC chirurhii, transpłantałohii i hiematałohii — NN), tam krucili-mucili. Tam adziny aparat u krainie, zdajecca. Treba pahladzieć, moža, jašče paru štuk kupić. Vyratavali čałavieka, jaki vybuchi ładziŭ, jaki chacieŭ pieraviarnuć krainu, zabić prezidenta. A jak smažany pievień dziubnuŭ — pabieh da hetaha samaha prezidenta ŭ dyktaturu, kab jaho vyratavali. Vy jaho vyratavali», — skazaŭ siońnia Łukašenka.
Apošnija śćviardžeńni Łukašenki — chłuślivyja. Mikałaj Statkievič nikoli nie ładziŭ vybuchaŭ i nie płanavaŭ zabojstva prezidenta. Takich materyjałaŭ niama ŭ jahonych kryminalnych spravach.
Chłuślivaje i śćviardžeńnie, što «Statkievič pabieh u dyktaturu». Statkievič nikudy nie bieh: jon z ryzykaj dla žyćcia ŭspraciviŭsia departacyi, jakaja supiarečyć isnym u Biełarusi zakonam.
Nahadajem, što asudžanaha na 14 hadoŭ Mikałaja Statkieviča vyzvalili 11 vieraśnia ŭ składzie hrupy z 52 čałaviek i vyvozili ŭ Litvu, ale jon pakinuŭ aŭtobus, niekalki hadzin prasiadzieŭ na miažy, paśla čaho byŭ znoŭ zatrymany i viernuty ŭ kałoniju. U lutym jon pieranios insult, pravioŭ niekalki tydniaŭ u balnicy i byŭ vyzvaleny 19 lutaha.
U reanimacyi Mikałaja Statkieviča try tydni karmili praz trubku
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
Statkievič zaklikaŭ jeŭrapiejcaŭ stvaryć i ŭzbroić Biełaruski dobraachvotnicki korpus
Statkievič prapanavaŭ łozunh, jaki abjadnaje bolšaść biełarusaŭ
Kamientary
Sam ty smažany pievień, jaki ŭsich zadziaŭbaŭ. Fakt.