Samalot prapaŭ z radaraŭ kala 18‑j hadziny viečara, jaho abłomki šukajuć.
Ministerstva abarony Rasii paviedamiła pra stratu suviazi z vajskova-transpartnym samalotam An-26, jaki vykonvaŭ płanavy pieralot nad anieksavanym Krymam. Incydent adbyŭsia 31 sakavika kala 18:00 pa maskoŭskim časie. Jak śćviardžajuć u viedamstvie, «paražalnaha ŭździejańnia pa samalocie nie było», a papiaredniaj pryčynaj avaryi nazyvajecca techničnaja niaspraŭnaść.
«U mierkavany rajon zdareńnia nakiravanyja pošukava-ratavalnyja hrupy. Los ekipaža i pasažyraŭ, jakija znachodzilisia na borcie, na hety momant vyśviatlajecca», — paviedamlaje rasijskaje Minabarony.
Pa źviestkach Z-błohiera Fighterbomber, na borcie znachodziłasia 30 rasijskich vajskoŭcaŭ.
Paźniej Minabarony aficyjna paviedamiła, što zahinuli 6 členaŭ ekipaža i 23 pasažyry.
Pavodle śviedčańnia krynicy ahienctva «Interfaks», samalot urezaŭsia ŭ skału.
An-26 — lohki vajskova-transpartny samalot, jaki vykarystoŭvajuć dla pieravozki hruzaŭ, asabovaha składu, evakuacyi paranienych i zabieśpiačeńnia vojskaŭ. Jon moža ŭziać na bort da 5,5 ton hruzu, moža pracavać z karotkich i niepadrychtavanych pałos — i za košt hetaha aktyŭna vykarystoŭvajecca kala linii frontu.
Akramia An-26, Rasija 31 sakavika, jak paviedamlałasia raniej, straciła jašče adzin vajskovy samalot. Z-prapahandyst Fighterbomber paviedamiŭ pra krušeńnie źniščalnika-bambardziroŭščyka Su-34.
Inšyja Z-błohiery pišuć, što hety samalot moh raźbicca padčas adbićcia atak ukrainskich bieśpiłotnikaŭ. Paviedamlajecca, što piłot zahinuŭ, a los šturmana pakul dakładna nieviadomy. Ukrainski vajskovy partał «Militarny» vykazaŭ zdahadku, što samalot vykonvaŭ bajavy vylet u jakaści nośbita kiravanych avijabombaŭ. Hienieralny štab USU i Pavietranyja siły Ukrainy hetuju infarmacyju pakul nie kamientavali.
Rasija straciła jašče adzin samalot Su-34
U vyniku atak na port va Uść-Łuzie paškodžany terminał dla zahruzki nafty
«Zroblena chatnimi haspadyniami». Kiraŭnik Rheinmetall pahardliva vykazaŭsia pra ŭkrainskija drony, ukraincy jamu adkazali
Pažary ŭ rasijskich partach. Što paciarpieła ad udaraŭ ukrainskich bieśpiłotnikaŭ
Ukraina paprasiła prabačeńnia ŭ krain Bałtyi za padzieńnie svaich dronaŭ na ich terytoryi
Kamientary