Urad Vienhryi pryniaŭ rašeńnie padoŭžyć na šeść miesiacaŭ režym nadzvyčajnaha stanovišča z-za mihracyjnaha kryzisu z 7 vieraśnia hetaha hoda da 7 sakavika 2018 hoda. Pra heta paviedamlajuć infarmahienctvy sa spasyłkaj na aficyjnaha pradstaŭnika vienhierskaha ŭrada Zołtana Kovača.
Pavodle jaho słoŭ, ministr unutranych spraŭ Šandar Pinter na pasiadžeńni Kabinieta ministraŭ na minułym tydni rekamiendavaŭ padoŭžyć dziejnaje nadzvyčajnaje stanovišča, jakoje zakančvajecca 7 vieraśnia hetaha hoda. «Hetaje leta pakazała, što pahroza teraryzmu ŭ Jeŭropie ŭzrasła ŭ vyniku masavaj mihracyi, tamu strohi pamiežny kantrol nieabchodny ŭ intaresach biaśpieki vienhierskaha naroda», — reziumavaŭ Zołtan Kovač.
Ułady Vienhryi ŭpieršyniu ŭviali režym nadzvyčajnaha stanovišča ŭ vieraśni 2015 hoda ŭ dvuch paŭdniovych rehijonach krainy na miažy ź Sierbijaj u suviazi z tym, što pieravažnaja bolšaść nielehałaŭ patrapili na terytoryju krainy praź sierbska-vienhierskuju miažu. Tady byŭ začynieny asnoŭny pamiežny pierachod, čyhunačnyja šlachi byli ŭziatyja pad achovu palicyi, da pamiežnaha punkta byli ściahnutyja ŭzmocnienyja padraździaleńni vajennasłužačych. Zatym u krainie ŭstupili ŭ siłu bolš žorstkija praviły pierasiačeńnia miažy, kali Vienhryja stała admaŭlać u pradastaŭleńni prytułku tym mihrantam, jakija prybyli tranzitam praź Sierbiju, nie zapytaŭšy tam prytułku.
Kamientary