Урад Венгрыі прыняў рашэнне падоўжыць на шэсць месяцаў рэжым надзвычайнага становішча з-за міграцыйнага крызісу з 7 верасня гэтага года да 7 сакавіка 2018 года. Пра гэта паведамляюць інфармагенцтвы са спасылкай на афіцыйнага прадстаўніка венгерскага ўрада Золтана Ковача.
Паводле яго слоў, міністр унутраных спраў Шандар Пінтэр на пасяджэнні Кабінета міністраў на мінулым тыдні рэкамендаваў падоўжыць дзейнае надзвычайнае становішча, якое заканчваецца 7 верасня гэтага года. «Гэтае лета паказала, што пагроза тэрарызму ў Еўропе ўзрасла ў выніку масавай міграцыі, таму строгі памежны кантроль неабходны ў інтарэсах бяспекі венгерскага народа», — рэзюмаваў Золтан Ковач.
Улады Венгрыі ўпершыню ўвялі рэжым надзвычайнага становішча ў верасні 2015 года ў двух паўднёвых рэгіёнах краіны на мяжы з Сербіяй у сувязі з тым, што пераважная большасць нелегалаў патрапілі на тэрыторыю краіны праз сербска-венгерскую мяжу. Тады быў зачынены асноўны памежны пераход, чыгуначныя шляхі былі ўзятыя пад ахову паліцыі, да памежнага пункта былі сцягнутыя ўзмоцненыя падраздзяленні ваеннаслужачых. Затым у краіне ўступілі ў сілу больш жорсткія правілы перасячэння мяжы, калі Венгрыя стала адмаўляць у прадастаўленні прытулку тым мігрантам, якія прыбылі транзітам праз Сербію, не запытаўшы там прытулку.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай80
Каментары