Čym krutyja prazrystaja ladoŭnia i mikrachvaloŭka, jakaja pavinna zamianić duchoŭku FOTY
Kampanija LG prezientavała paračku inavacyjnych praduktaŭ premium-kłasa. Dla lanivych, dla cikaŭnych ci dla prahresiŭnych — ciažka skazać.
Hrukacca ŭ ladoŭniu, kab pabačyć, što tam lažyć, va ŭsiakim razie pryšpilna. Zalipaješ, chočacca pahrukacca jašče — raptam što novaje źjaviłasia. Pradstaŭniki kampanii kažuć, u hetaj opcyi akramia zabaŭlalnaj funkcyi jość i bolš važnaja. Heta dazvalaje nie hublać chałodnaje pavietra ŭnutry kamiery. Z taho, čym jašče hanaracca stvaralniki ladoŭni — sistema raźmierkavańnia vilhotnaści ŭ adsiekach dla zachavańnia harodniny i sadaviny, što nie dazvalaje praduktam padhnivać, a taksama sistema źniščeńnia niepryjemnych pachaŭ i bakteryj.
Mikrachvaloŭku, jakuju supracoŭniki kampanii nazyvajuć alternatyvaj duchoŭcy, dva tydni teściŭ staličny šef-povar Andrej Reźnikaŭ. Jon pryznaŭsia «NN», što napačatku sapraŭdy było niazvykła. Heta jak zamianić rodny knopačny mabilnik, što prajšoŭ z taboj i ahoń, i vadu, na sensarny smartfon — adrazu zdajecca, što ŭ hetym niama sensu. Ale ciapier Andreju ŭžo i nie chočacca addavać hetuju razumnuju kuchonnuju pryładu. Kaža, u jaho ŭ pryncypie duša nie lažyć da duchovak, a tut — štości novaje.
Šef-povar hetyja paru tydniaŭ hatavaŭ u mikrachvaloŭcy dla svajoj siamji. Kaža, dzieci jeli i nie skardzilisia. Padčas prezientacyi jon pryhatavaŭ łasosia z harniram z harodniny, lisičak i alivak.
Ciažka pavieryć, ale nasamreč niemahčyma zdahadacca, što ryba pryhatavanaja ŭ mikrachvaloŭcy — miasa atrymałasia vielmi miakkim i sakavitym. Praŭda, zrazumieła, nie apošniuju rolu adyhryvaje, chto hatuje, tut z majstram ciahacca nie prosta. Ale Andrej kaža, razabracca, što i jak pracuje, davoli lohka.
U hetaj ža mikrachvaloŭcy Andrej, aproč łasosia, pryhatavaŭ šakaładnyja mafiny i naturalny johurt. My sami pakaštavali, i heta realna smačna.
Na prezientacyi navinak dyzajnierka interjeru Natalla Hałonskaja šmat kazała pra toje, što siońnia adzin z hałoŭnych trendaŭ dyzajnu — funkcyjanalnaść. Bieź jaje ciažka ŭjavić sučasny interjer. A što tyčycca estetyčnaha boku, to tut Natalla vyłučyła niekalki asnoŭnych tendencyj.
Top-6 trendaŭ u dyzajnie kuchniaŭ
1. Mietał. Mietał. I jašče raz mietał
Va ŭsich varyjacyjach. Z hetym materyjałam dyzajniery ciapier pa-ŭsiakamu hulajucca i ŭpisvajuć jaho ŭ samyja roznyja styli.
2. Kamień
Jašče adzin udziačny materyjał, jaki moža stać tym samym aryhinalnym elemientam, što zrobić vašu kuchniu tolki vašaj — adzinaj i niepaŭtornaj.
3. Dreva
My ŭžo raspaviadali pra toje, što sučasny skandynaŭski dyzajn nasamreč adlustroŭvaje spradviečnyja biełaruskija tradycyi. Z kuchniami — anałahična. Dreva, bieły koler — naša ŭsio.
4. Spraščeńnie
Pryhažość u prostych formach. Čym mienš roznych vyčvarenstvaŭ i nahruvaščvańniaŭ, tym lepš. Tak vy budziecie adčuvać siabie našmat bolš kamfortna i svabodna.
5. Staryja rečy
Va ŭsiaho pavinien być niejki sens. Staryja rečy ŭ cikavaj interpretacyi mohuć stvaryć patrebnuju atmaśfieru, ź imi možna pravilna rasstavić akcenty.
6. Koler
Možna rabić jarkija plamy, a možna, naadvarot, sychodzić u tatalny čorny jak simvał hłybini i zavieršanaści. Hałoŭnaje — namacać, u jakoj hamie vam bolš utulna.
Natalla adznačaje, što siońnia ŭsie robiać kuchni ŭ vyhladzie kubikaŭ, u jakich schavanyja funkcyi. Admietnaść chavajecca ŭ detalach, u cikavych elemientach, kožny ź jakich adlustroŭvaje haspadaroŭ doma.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary