Adzin fihurant vinu pa vystaŭlenych jamu abvinavačvańniach pryznaje całkam. Jaho zmoŭščyk nie ličyć siabie vinavatym. Vyklučeńnie składaje epizod, źviazany ŭ dapamahańni ŭ razboi na vulicy Alibiehava.
Dziaŭčyna nie pryznaje vinu, ale ličyć siabie vinavataj «tolki tolki ŭ tym, što, daviedaŭšysia pra złačynstva, nie daniesła ŭ pravaachoŭnyja orhany», paviedamlaje BiełTA.
Prysud pa hučnym zabojstvie byŭ vyniesieny 6 sakavika. Minčanka Alina Šulhanava zamoviła dvum znajomym źbićcio svajho eks-bojfrenda i jaho novaj dziaŭčyny. Adnak tyja zabili maładzionaŭ.
Prakuror patrabavała rasstralać Sucharku i Žylnikava, a Šulhanavu asudzić na 15 hadoŭ. Ale sudździa vynies miakčejšy prysud: Alina Šulhanava atrymała 12 hadoŭ u kałonii ahulnaha režymu plus kanfiskacyju majomaści, jaje «kilery», 23-hadovy Viačasłaŭ Sucharka i 44-hadovy Alaksandr Žylnikaŭ byli asudžanyja na pažyćciovaje źniavoleńnie va ŭmovach asablivaha režymu.
14 lipienia sudovaja kalehija pa kryminalnych spravach Viarchoŭnaha suda razhledzieła ŭ apielacyjnym paradku, rašeńnie Minskaha haradskoha suda ad 6 sakavika admianili, a kryminalnuju spravu nakiravali na novy razhlad.
Zabojca, prysudžany da pažyćciovaha źniavoleńnia, prosić jaho rasstralać: spravu pierahledziać
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva75
Kamientary