Ciahnik, u jakim były prezident Hruzii i kiraŭnik Adeskaj vobłaści Michaił Saakašvili sprabavaŭ pierasiačy miažu Polščy i Ukrainy, spynieny na polskaj terytoryi na patrabavańnie ŭkrainskich uładaŭ.
«Ukrzaliznycia» zabaraniła ruch ciahnika da taho času, pakul jaho nie pakinie Saakašvili. Pa hučnaj suviazi paviedamili, što zhodna ź infarmacyjaj, jakaja pastupiła ad Nacyjanalnaj palicyi Ŭkrainy, u ciahniku znachodzicca asoba, jakaja maje zabaronu na ŭjezd na terytoryju Ukrainy, tamu ciahnik nie moža pačać ruch, pakul hety čałaviek tam zastajecca.
Paśla hadzinnaha čakańnia Saakašvili zajaviŭ, što pierasiadzie na aŭtobus i pasprabuje pierasiačy miažu takim čynam.
«My ciapier budziem razam jechać na aŭtobusie da «Krakaŭca», — skazaŭ Saakašvili na bryfinhu ŭ polskim Pieramyšli. Krakaviec — heta ŭkrainski pamiežny punkt na hranicy z Polščaj.
***
18:28
Saakašvili prybyŭ u punkt propusku «Šehini».
Miažu Saakašvili pakul nie pierasiok. Aŭtobus z deputatami, jakija supravadžajuć Saakašvili ad Pieramyšla, taksama prybyŭ na punkt propusku.
Adrazu paśla prajezdu aŭtobusa Saakašvili prajezd dla ŭsich aŭto i druhoha aŭtobusa z deputatami i žurnalistami pierakryli.
***
Z ukrainskaha boku kala punkta propusku «Krakaviec» sabrałasia niekalki socień prychilnikaŭ Saakašvili.
U ciahniku razam z Saakašvili jechali 11 narodnych deputataŭ ad roznych palityčnych hrup, u tym liku źviazanych z bujnym biznesam. Siarod ich — byłaja premjer-ministarka Ukrainy Julija Cimašenka i były kiraŭnik Słužby biaśpieki Ukrainy Valancin Nalivajčanka. Ich abjadnoŭvaje apazicyja da Piatra Parašenki i ciapierašniaha ŭrada i, adnačasova, padtrymka kursu na jeŭraintehracyju i sajuz z Zachadam. Prarasijskija siły nie padtrymlivajuć Saakašvili.
Ciapier čytajuć
U Kipry źnik Uładzisłaŭ Baŭmhiertnier, były hiendyrektar «Urałkalija». Jaho zatrymlivali pa skandalnaj spravie ŭ Minsku, kali jon prylataŭ da Miaśnikoviča
Kamientary