Iran maje dziesiacitonnuju bombu ŭłasnaj vytvorčaści, paviedamiŭ kamandujučy Vajenna-kaśmičnymi siłami Korpusa vartavych isłamskaj revalucyi Amir Ali Chadžyzade.
«Arhanizacyja abaronnaj pramysłovaści vyrabiła bombu vahoj pryblizna 10 ton, jakuju mahčyma skinuć z samalotaŭ «Iljušyna», - paviedamiŭ Chadžyzade ŭ intervju telekampanii IRIB, adznačyŭšy, što bomba maje nadzvyčajnuju razburalnuju moc, piša RIAN.
Pra heta jon zajaviŭ u adkaz na prośbu prakamientavać jaho ŭłasnyja słovy pra toje, što «kali ŭ ZŠA jość «maci ŭsich bombaŭ», dyk u Irana jość «baćka bombaŭ».
U siaredzinie krasavika Złučanyja Štaty ŭžyli zvyšmahutnuju niajadziernuju bombu GBU-43 suprać bajevikoŭ «Isłamskaj dziaržavy» ŭ Afhanistanie. «Maci ŭsich bombaŭ», jak nazyvajuć hety dzieviacitonny fuhasny snarad, stała samym mahutnym niajadziernym bojeprypasam, vykarystanym ZŠA.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary