Іран мае дзесяцітонную бомбу ўласнай вытворчасці, паведаміў камандуючы Ваенна-касмічнымі сіламі Корпуса вартавых ісламскай рэвалюцыі Амір Алі Хаджызадэ.
«Арганізацыя абароннай прамысловасці вырабіла бомбу вагой прыблізна 10 тон, якую магчыма скінуць з самалётаў «Ільюшына», - паведаміў Хаджызадэ ў інтэрв'ю тэлекампаніі IRIB, адзначыўшы, што бомба мае надзвычайную разбуральную моц, піша РІАН.
Пра гэта ён заявіў у адказ на просьбу пракаментаваць яго ўласныя словы пра тое, што «калі ў ЗША ёсць «маці ўсіх бомбаў», дык у Ірана ёсць «бацька бомбаў».
У сярэдзіне красавіка Злучаныя Штаты ўжылі звышмагутную няядзерную бомбу GBU-43 супраць баевікоў «Ісламскай дзяржавы» ў Афганістане. «Маці ўсіх бомбаў», як называюць гэты дзевяцітонны фугасны снарад, стала самым магутным няядзерным боепрыпасам, выкарыстаным ЗША.
Каментары