Ranicaj 22 vieraśnia vyjšaŭ na volu Uładzimir Niaklajeŭ, asudžany na siem sutak za ŭdzieł u akcyi na Kastryčnickaj płoščy ŭ Minsku 8 vieraśnia pad łozunham «Za mirnuju Biełaruś» i skiravanuju suprać vajskovych vučeńniaŭ «Zachad-2017», paviedamlaje Radyjo Svaboda.
Paplečniki, aktyvisty, žurnalisty, jakija sabralisia pad turemnymi murami na zavułku Akreścina, sustreli viaźnia vokličami «Žyvie Biełaruś!».
Niaklajeŭ skazaŭ, što z turmy zaŭsiody radasna vychodzić, ale ahulny nastroj nie vielmi dobry. Pavodle jaho, ad svaich rehularnych aryštaŭ ułady čakajuć, što kali-niebudź «vyciahnuć paeta napierad u biełych tapkach». I dadaŭ: kab u adzin ź dzion kroŭ pajšła nie nosam, a ŭ mozh, ich mara, mahčyma, i zbyłasia b».
Paet taksama raskazaŭ niekatoryja padrabiaznaści svajho zatrymańnia. Na 9.50 ranicy 15 vieraśnia ŭ jaho byŭ tałon da doktara. Jaho schapili pa darozie ŭ kliniku, dakładna viedajučy, kudy i ŭ kolki jon budzie nakiroŭvacca.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary