Łoś, jaki pierabiahaŭ darohu, staŭ vinavatym u čatyroch DTZ u Čavuskim rajonie. U bujnoj avaryi z udziełam 4 mašyn paciarpieli dźvie dziaŭčyny — pasažyrki Chrysler — i pasažyrka mikraaŭtobusa Ford. Žančyna ŭ ciažkim stanie znachodzicca ŭ balnicy.
Usie avaryi adbylisia na praciahu ličanych chvilin, raspavioŭ TUT.BY načalnik adździaleńnia DAI Čavuskaha RAUS Mikałaj Ihnacienka. Rasijanin na Nissan jechaŭ pa darozie Mahiloŭ — Čerykaŭ — Kaściukovičy ŭ bok abłasnoha centra. Prykładna na 40-m kiłamietry jon źbiŭ łasia, jaki vybieh na darohu.
Ad ŭdaru žyviołu adkinuła na abočynu. Łoś zahinuŭ. Aŭtamabil zastaŭsia stajać na prajeznaj častcy. Kiroŭca nie paciarpieŭ. Kiroŭca, jaki jechaŭ mima na mikraaŭtobusie Ford, spyniŭsia na trasie, kab spytać, ci nie patrebnaja kiroŭcu Nissan dapamoha. Ź mikraaŭtobusa taksama vyjšła pasažyrka, 28-hadovaja miascovaja žycharka. Jana zastałasia stajać na abočynie.
Nie paśpieŭšy adreahavać na pieraškodu, jakaja ŭźnikła na darozie, u Nissan urezaŭsia Chrysler. Kiroŭca, jaki jechaŭ za im na mikraaŭtobusie Fiat, sprabujučy paźbiehnuć sutyknieńnia z mašynami na darozie, uziaŭ naprava i źbiŭ pasažyrku Ford, jakaja stajała na abočynie. Pry hetym Fiat vyskačyŭ u kiuviet.
55-hadovy mahiloviec, jaki jechaŭ śledam na jašče adnym Chrysler, urezaŭsia ŭ pieršy. U vyniku traŭmy atrymali pasažyrki apošniaha lehkaviika: 4-hadovaja dziaŭčynka, jakaja jechała ŭ dziciačym kreśle, — pierałom ruki i čerapna-mazhavuju traŭmu, 13-hadovaja — siniaki i ranki.
— Žančyna, jakuju źbiŭ na abočynie mikraaŭtobus, atrymała vielmi surjoznyja traŭmy. Ciapier jana znachodzicca ŭ komie, — udakładniŭ načalnik adździaleńnia DAI Čavuskaha RAUS Mikałaj Ihnacienka. — U dačynieńni da kiroŭcy, jaki źbiŭ jaje, 54-hadovaha mahiloŭca, raspačataja kryminalnaja sprava.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary