U akupavanym Sievastopali vybuchnuŭ šmatkvaterny dom. U im zachoŭvali vybuchovyja rečyvy
Apoŭnačy z 23 na 24 sakavika adbyŭsia vybuch u sievastopalskaj kvatery šmatdzietnaj siamji Rodzikavych na vulicy Karčahina. U joj znachodzilisia 50‑hadovaja pieŭčaja chrama pry Sievastopalskim univiersitecie Volha Rodzikava, jaje 52‑hadovy muž Siarhiej Rodzikaŭ i šaściora ich dziaciej, piša Astra.
U chodzie rasśledavańnia vyśvietliłasia, što epicentr vybuchu znachodziŭsia na bałkonie kvatery na pieršym paviersie. U vyniku zdareńnia zahinuła ŭłaśnica kvatery i jaje 20‑hadovy syn, čatyry dački va ŭzroście 23, 18, 14 i 12 hadoŭ atrymali roznyja traŭmy i znachodziacca ŭ balnicach. Haspadar kvatery Siarhiej Rodzikaŭ nie paciarpieŭ.
Usiaho ŭ vyniku vybuchu paciarpieli 12 čałaviek. Ahoń raspaŭsiudziŭsia na susiedni dom, dzie zhareli jašče dva padjezdy.
Miascovy Śledčy kamitet adznačyŭ, što hazavaje abstalavańnie ŭ kvatery paśla vybuchu nie było paškodžana, niama taksama prykmiet źniešniaha ŭździejańnia na budynak. U jakaści paciarpiełych i śviedak byli apytanyja bolš za 20 čałaviek.
U toj ža čas SK paviedamiŭ, što rasśledavańnie viadziecca pa artykułach 109 KK RF («Pryčynieńnie śmierci pa nieaściarožnaści») i 222.1 KK RF («Niezakonnaje nabyćcio i zachoŭvańnie niavyznačanaj vybuchovaj pryłady»). Z hetaha možna mierkavać, što pryčynaj zdareńnia stała mienavita detanacyja vybuchoŭki. Chto i dziela čaho jaje tudy prynios, pakul nieviadoma.
Zhodna ź infarmacyjaj z adkrytych krynic, haspadar kvatery Siarhiej Rodzikaŭ pracavaŭ šlifoŭščykam, pradaŭcom i źbiralnikam mebli, apošnim jaho miescam pracy była sievastopalskaja kampanija «STŁ Prajd», jakaja vyrablaje meblu dla restaranaŭ i hatelaŭ.
Jahony zahinuły syn Vasil pracavaŭ hruzčykam, ale z pracy byŭ zvolnieny ŭ 2023 hodzie za prahuł. Čym jon zajmaŭsia paśla taho, nieviadoma.
Ciapier čytajuć
Pobač z Łukašenkam na chakiei źjaviłasia novaja pryhažunia4
Kamientary