Prezident ZŠA Donald Tramp zajaviŭ, što bolš nie budzie zaviarać kanhres u tym, što jadziernaja ŭhoda ź Iranam adpaviadaje amierykanskim intaresam. Jon zaklikaŭ kanhres vyłučyć Iranu dadatkovyja ŭmovy dalejšaha prypynieńnia sankcyj, piša Bi-bi-si.
Pavodle damovy, padpisanaj administracyjaj Abamy ŭ 2015 hodzie, prezident ZŠA kožnyja try miesiacy paviedamlaje kanhresu, što jana pa-raniejšamu vykonvajecca i adpaviadaje nacyjanalnym intaresam krainy, i rekamienduje praciahvać prypynieńnie balučych sankcyj, uviedzienych u adkaz na iranskuju jadziernuju prahramu.
Tramp paśla ŭstupleńnia na pasadu dvojčy nieachvotna zaviaraŭ uhodu, ale z hetaha času vyrašyŭ admovicca ad hetaj praktyki.
U svaim zvarocie Tramp nazvaŭ Iran fanatyčnym režymam. Jon abiacaŭ pačać kansultacyi ź mižnarodnymi partniorami dla ŭniasieńnia ŭ jaho adpaviednych źmienaŭ. Partniorami ZŠA pa ździełcy ź Iranam źjaŭlajucca Vialikabrytanija, Francyja, Hiermanija, Rasija i Kitaj.
U vypadku, kali nie atrymajecca pryjści da kansiensusu, jadziernaja ŭhoda ź Iranam budzie admieniena, pryhraziŭ Tramp.
Jon abvinavaciŭ Iran u padtrymcy teraryzmu i pryhraziŭ nie dapuścić źjaŭleńnia jadziernaj zbroi ŭ Tehierana lubymi sposabami.
Tramp taksama ŭpaŭnavažyŭ ministerstva finansaŭ ZŠA ŭvieści novyja sankcyi ŭ dačynieńni da iranskaha Korpusa vartavych isłamskaj revalucyi, adnak nie staŭ prapanoŭvać abviaścić ŭsiu hetuju arhanizacyju ŭ cełym terarystyčnaj.
-
Vienhryja vysyłaje adrazu 10 rasijskich dypłamataŭ. Takoha raniej nie było
-
«Sotni kurdaŭ raskazvajuć pra suviaź z dačkoj premjera Kurdystana. I tolki 1% zajaŭ na prytułak ad mihrantaŭ u Brytanii sapraŭdnyja»
-
U Hiermanii ŭpieršyniu pieraabstalujuć aŭtazavod pad abaronnaje pradpryjemstva — im stanie pradpryjemstva Volkswagen
Ciapier čytajuć
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj33
Kamientary