«Takoje adčuvańnie, što ŭ LG pastaralisia, kab mienavita mnie było zručna!»

Chaładzilnik, jaki staŭ novym pamočnikam u siamji Natalli Cylinskaj, zdolny ździvić kožnaha, chto navat nie zahladaŭ ŭsiaredzinu. Bo jon dazvalaje pravieryć najaŭnaść praduktaŭ, nie adčyniajučy dźviercy! Mahija? Tak, trochi technałahičnaha čaraŭnictva ad LG Electronics. Kampanija raspracavała chaładzilnik sa šklanoj dźviercaj, jakaja robicca prazrystaj, kali pastukać pa joj dvojčy.

Pavialičyć

Natalla, raskažycie, jak prajšło znajomstva z novym siamiejnym pamočnikam. Što začapiła ŭ pieršuju čarhu?

Natalla: Napeŭna, vy čakajecie, što ja skažu - pamiery. Ale nie, pamieram mianie nie ździviš. Naš stary chaładzilnik taksama byŭ vialiki, dvuchdźvierny, bo ŭ vialikaj siamji inšaha chaładzilnika prosta nie moža być: dziaciej šmat, ježy šmat. Chutčej adrazu źviartaješ uvahu na dyzajn, stylny i minimalistyčny. Nu a samaje cikavaje i dziŭnaje, viadoma, adkryvajecca ŭžo potym, u pracesie karystańnia. Bo za pryhožaj abhortkaj chočacca znajści smačnuju cukierku. I heta toj samy vypadak. Praź miesiac karystańnia mahu reziumavać, što samaje krutoje ŭ hetym chaładzilniku - jaho funkcyjanał.

A možacie vyłučyć lubimyja funkcyi?

Natalla: U mianie ich dźvie: funkcyja chutkaj zamarozki i nulavaja kamiera.

Pieršuju aktyŭna vykarystoŭvała dla zamarazki hryboŭ. U hetym hodzie vielmi šmat hryboŭ było, ciapier usia marazilnaja kamiera imi zabitaja. Ja nie vałodaju techničnymi tonkaściami, ale dakładna viedaju, što čym chutčej ažyćciaŭlajecca praces zamarozki, tym kletkavaja abałonka praduktaŭ škodzicca mienš, i jany nie hublajuć karysnyja ŭłaścivaści.

A ŭ nulavoj kamiery ja zvyčajna zachoŭvaju miasa. Tut tempieratura pavietra, nabližanaja da 0° S, i aptymalnaja vilhotnaść dla zachoŭvańnia miasnych praduktaŭ. U zvyčajnym adsieku chaładzilnika miasa zachoŭvać nielha: tempieratura zanadta vysokaja, i bakteryi chutka raspaŭsiudžvajucca.

I časta karystajeciesia nulavy kamieraj?

Natalla: Nie toje, kab časta, a pastajanna. My miasa kožny dzień jamo, i ja zvyčajna kuplaju adrazu vialiki kavałak, na niekalki razoŭ. Niešta pryhatavała, a astatniaje - u boks z nulavoj tempieraturaj. Ja ŭžo navat nie chaču dumać

pra takoje dzikaje abychodžańnie z praduktami, jak zamarozka! Nu i ŭ pracedury razmarozki mała pryjemnaha. Dy i dla zdaroŭja heta nie vielmi.

Navukoŭcy vyśvietlili, što bolšaja častka śviežych praduktaŭ charčavańnia daŭžej usiaho zachoŭvaje ŭsie smakavyja jakaści i karysnyja ŭłaścivaści pry tempieratury + 0,7 ° S. Pry hetaj tempieratury mikraarhanizmy i bakteryi, zdolnyja nanieści škodu ježy, płodziacca najmarudniej.

U chaładzilniku jość admysłovaja «fiška» - funkcyja InstaView, jakaja dazvalaje pravieryć najaŭnaść praduktaŭ, nie adčyniajučy dźviercy. Vykarystoŭvajecie jaje?

Natalla: Ščyra, pryznajusia, spačatku dumała, što heta čarhovy markietynhavy truk. Nu tak, prykolna, efiektna, viesieła. Ale ci budu ja joju karystacca? Jak vyśvietliłasia, karystajemsia, dzieciam naohuł zručna. Pastukali, pahladzieli, «patupili». Nu i praŭda, navošta adkryvać chaładzilnik, kali tabie ničoha nie treba adtul uziać? Jość prymaŭka takaja: «Začynicie dźviery ŭ chaładzilniku, heta nie šafa». Zhodnaja na ŭsie 100.

Pavialičyć

Jak pakazvaje statystyka, siamja adčyniaje dźviercy chaładzilnika ŭ siarednim 79 razoŭ za dzień, pryčym u bolšaści vypadkaŭ prosta dla taho, kab pahladzieć, što ŭsiaredzinie. I kožny raz z kamiery vychodzić chałodnaje pavietra, napaŭniajučy jaje niepatrebnym ciapłom.

Chto ŭ siamji stukaje pa dźviercach čaściej za ŭsio?

Natalla: U dziaciej heta adnaznačna lubimaja funkcyja, jany jaje ŭsim siabram i haściam adrazu pakazvajuć. Viadoma, spačatku bolš jak cacku vykarystoŭvali, a ciapier mienavita pa pryznačeńni. Padyšli, pastukali, pahladzieli «Jość syrki, niama».

Jakija ŭražańni ad dyzajnu? Nakolki chaładzilnik harmanuje ź interjeram kuchni?

Natalla: Dyzajn mnie vielmi blizki, ja lublu minimalizm, kali ŭsie łakanična, biez strakataści. Ale mianie, viadoma, jak maci vialikaha siamiejstva, čaplaje bolš jaho zručnaść i funkcyjanalnaść. I vielmi raduje, što vytvorcy nadajuć vialikuju ŭvahu vonkavamu vyhladu techniki i prapanujuć vyhadnaje «komba»: supiertechnałohii i stylovy dyzajn.

A ci zaŭvažajuć vašu abnoŭku hości i blizkija? Što kažuć?

Natalla: Kožny, chto prychodzić u hości, zaŭvažaje chaładzilnik, bo rekłamy ŭ horadzie šmat. I heta zaŭsiody prykładna tak: «O, stuk-stuk!» Jon praŭda prykmietny. Navat dzieciam nie treba pakazvać, što jon «stuk-stuk», usie padychodziać i viedajuć, što rabić.

Jak sa źjaŭleńniem chaładzilnika źmianiŭsia pobyt? Što stała zručniej i chutčej?

Natalla: U nas ciapier try chaładzilniki, adzin zusim stary, u jaho vialiki rondal z supam mahu pastavić, redka karystajusia. Druhi taksama sa źjaŭleńniem novaha staić biez spravy. Bo ŭ ich niama tych funkcyj, jakija jość u InstaView. A da dobraha zvykaješ chutka. Sapraŭdy, navat nie ŭjaŭlaju, jak ja raniej bieź ich spraŭlałasia. Miasa zamarožvała-razmarožvała, harodnina i sadavina časta psavalisia, bo zachoŭvalisia pry niapravilnaj tempieratury i vilhotnaści. Kamienny viek!

Što možacie skazać pra źmiaščalnaść chaładzilnika? Ci praktyčnaja technałohija Door-in-Door?

Natalla: Kali ja jaho ŭbačyła, adrazu padumała «Nu voś narešcie stali rabić chaładzilniki narmalnaha pamieru!» Mnie vielmi padabajecca dyzajn z padvojnymi dźviaryma, pryčym heta i vizualna pryhoža, i sapraŭdy zručna. U mini-adsieku, jaki znachodzicca pamiž asnoŭnaj i dadatkovaj dźviaryma, ja zachoŭvaju samyja «chadavyja» pradukty, kab nie šukać ich pa ŭsim chaładzilniku. I sama prastora ŭsiaredzinie kamiery tałkova arhanizavana: dla ŭsiaho jość svajo miesca, a nie jak zvyčajna ŭ chaładzilniku - pasprabuj niešta znajści. Jość adździaleńnie dla drobnych praduktaŭ, asobnaja skrynia dla harodniny i sadaviny, navat vinnaja palica! Bieź pierabolšańnia skažu, što heta samy jomisty, zručny i «razumny» chaładzilnik, jaki kali-niebudź u nas byŭ.

Pavialičyć

Upeŭnienyja, što ŭ siamji spartsmienki jaduć u asnoŭnym karysnyja i naturalnyja pradukty. Raskažycie pra funkcyju dla zachoŭvańnia harodniny i sadaviny - Fresh Balancer. Jak jana ŭpłyvaje na źniešni vyhlad i smakavyja jakaści praduktaŭ?

Natalla: Tak, u nas u racyjonie štodnia prysutničajuć harodnina i sadavina, tamu funkcyja vielmi navat zapatrabavanaja. Pryčym zaŭvažyli, što prosta pierastali vykidać harodninu i sadavinu. Ničoha nie psujecca, bo pravilna zachoŭvajecca, z aptymalnym uzroŭniem vilhotnaści. Heta i na źniešnim vyhladzie adbivajecca: harodnina nie morščycca, zielanina nie žuchnie, sadavina nie čarnieje. A karystacca lohka: što kładzieš na palicu, taki režym i vybiraješ. Ciapier u mianie pieramykač staić na Vegetables, tamu što zapasy piercu zachoŭvajucca.

Chaładzilnik z funkcyjaj Fresh Balancer nie tolki zachoŭvaje pažyŭnyja ŭłaścivaści harodniny i sadaviny i praciahvaje ich žyćcio, ale i dapamahaje aščadzić hrošy, bo ź joj straty praduktaŭ zvodziacca praktyčna da nula.

Pavialičyć

Raskažycie pra funkcyju ačystki pavietra Hygiene Fresh +. Jak chaładzilnik spraŭlajecca z prablemaj niepryjemnych pachaŭ?

Natalla: Adrazu, kali jaho pryvieźli, byŭ pach novaha chaładzilnika, nie zusim jadomy. Ja ŭklučyła hetuju funkcyju - umomant usio źnikła. Kłasičnaja prablema, kali pradukty, jakija zachoŭvajucca pobač, pačynajuć adzin ad adnaho pachnuć: dastaješ pirožnaje, a jano z pacham kaŭbasy. Tut ža nijakich niepryjemnych pachaŭ i nijakaha źmiešvańnia pachaŭ.

U technałohii Hygiene Fresh + ad LG vykarystoŭvajecca 5-etapny filtr, jaki likviduje bolšaść pryčyn psavańnia ježy: pył, hrybkovyja spory, kisły pach i bakteryi. Sistema likviduje da 99,9% rečyvaŭ, jakija znachodziacca ŭ pavietry i zabrudžvajuć ježu, i ačyščaje pavietra ŭ chaładzilniku, praciahvajučy termin zachoŭvańnia praduktaŭ.

Što možacie skazać pra šum? Jak aceńvajecie ŭzrovień šumu ŭ paraŭnańni ź minułym chaładzilnikam?

Natalla: Jašče ŭ samym pačatku chacieła adznačyć, što chaładzilnik nievierahodna cichi. Tym, chto lubić pa načach pajeści, jaho paprostu možna stavić u spalniu, kab daloka za «dozaj» nie chadzić. Surjozna, jon naohuł biasšumny.

Karystajeciesia režymam kantrolu tempieratury praz wi-fi?

Natalla: Ščyra skazać, pakul nie sprabavała. Ja jaje pieršapačatkova vystaviła pa rekamiendacyi dla hetaha chaładzilnika, i pakul usio zadavalniaje. Chutkuju zamarozku možna sa smartfona ŭklučyć. Ale ja jašče pa-staromu, choć vydatna, što jość takaja mahčymaść.

Raskažycie pra ekanamičnaść. Jaki ŭ vas da hetaha byŭ chaładzilnik? Ci źmianiŭsia ŭzrovień elektraspažyvańnia, jak pa vašych nazirańniach?

Natalla: U vialikaj siamji treba ŭmieć ekanomić, tut biez varyjantaŭ. I my vybirali chaładzilnik z kłasam enierhaspažyvańnia A, jon ličycca samym vysokaefiektyŭnym (u nas - A +). Składana pakul kazać pra kankretnyja ličby, kolki jon dazvalaje aščadzić. Pakolki ŭ nas dzieci, jany niepradkazalnyja, časam śviatło va ŭsim domie haryć. A ciapier jašče źmienšyŭsia śvietłavy dzień, tamu elektryčnaści tracicca bolš. Ale ž łahična, navat bieź ličbaŭ razumieješ, što heta dapamahaje ekanomić elektraenierhiju.

Dla pobytavych pryład, a asabliva dla chaładzilnika, dastatkova važnym źjaŭlajecca pytańnie enierhaspažyvańnia. Važnaść hetaha pakazčyka zaklučajecca ŭ tym, što chaładzilnik pracuje kruhłasutačna, namatyvajučy sotni kiłavat elektraenierhii, jakaja zdabyvajecca ź niebiaźmiežnych pryrodnych resursaŭ. Tamu tyja, chto kłapocicca pra navakolnaje asiarodździe i ekanomiać siamiejny biudžet, imknucca kupić chaładzilnik z markiroŭkaj A.

Idealnych nie byvaje, i, chutčej za ŭsio, u pracesie karystańnia vy zaŭvažyli niejkija niedaskanałaści chaładzilnika. Ci nie?

Natalla: Tak, zaŭvažyła adzin vialiki niedachop - u im niama pralnaj mašyny. Nu a kali surjozna, to ja nie baču niedachopaŭ. Dzieci praŭda zaŭvažyli, što ŭ dźviercach niama filtra vady, jaki byŭ u starym chaładzilniku. Ale heta sprava zvyčki.

Nu a kali adnym słovam, InstaView apraŭdaŭ čakańni?

Natalla: Apraŭdaŭ całkam. Usie funkcyi sapraŭdy pracujuć. Heta nie prosta hučnyja słovy i pryhožyja nazvy. Viadoma, kaštuje jon daražej za zvyčajny chaładzilnik. Ale kali ty pačynaješ im karystacca, zvykaješ da ŭsich funkcyj, to realna razumieješ, što pradukty zaŭsiody śviažejšyja i daŭžej zachoŭvajucca, ničoha nie vykidajecca. I vydatki robiacca apraŭdanymi.

Pavialičyć

Rekamiendavali b jaho inšym?

Natalla: Adnaznačna, asabliva tym, chto sočyć za charčavańniem i razumieje, što na zdaroŭi nielha aščadžać. I kali chtości vyrašyŭ nabyć kruty chaładzilnik, to varta pryhledziecca da hetaj madeli. Dla vialikaj aktyŭnaj siamji lepšaha chaładzilnika nie prydumaješ. Chiba što ŭ budučyni prydumajuć taki, jaki samanapaŭniajecca patrebnymi praduktami, kab u kramu chadzić nie treba było. Moža być, heta nastupnaja inavacyjnaja technałohija LG? Tady ja budu pieršym pakupnikom.

Z bolš padrabiaznymi charaktarystykami inavacyjnaha LG InstaView Door-in-Door možna aznajomicca na aficyjnym sajcie kampanii, a pahladzieć užyvuju i nabyć navinku ŭžo možna ŭ sietcy kram «5 elemient» i «Elektrasiła».

Usie try vypuski «Ciemiejnoho testu» z Natallaj Cylinskaj vy možacie pahladzieć na YouTube kanale LG Belarus.

Pavialičyć

Pry partniorstvie z LG Electronics

• 0
• 0
• 0
• 0
• 0
• 0
• 0
• 0