Nie mienš za 276 čałaviek zahinuli ŭ subotu, 14 kastryčnika, u vyniku teraktu ŭ stalicy Samali - Mahadyša. Jak paviedamili ŭłady krainy, zvyš 300 čałaviek atrymali ranieńni. Bolšaja častka achviar - miascovyja žychary, siarod zahinuŭšych jość taksama niekalki vajskoŭcaŭ.
Pa dadzienych palicyi, vykanaŭcam ataki staŭ teraryst-śmiarotnik. Jon znachodziŭsia za rulom hruzavika, jaki spačatku prataraniŭ inšyja aŭtamabili i matacykły, paśla čaho vyjechaŭ na ažyŭlenaje skryžavańnie ŭ centry horada. Tam kiroŭca pryvioŭ u dziejańnie vybuchovaje prystasavańnie, u vyniku čaho niekalki budynkaŭ vakoł byli całkam abo častkova razburany.
Napad adbyŭsia niepadalok ad adnaho z hatelaŭ u staličnym rajonie Madzina, dzie časta spyniajucca členy ŭrada i žurnalisty. Pa adnoj ź viersij, złačyniec, mahčyma, płanavaŭ ździejśnić napad mienavita na hetuju haścinicu, adnak nie dajechaŭ da jaje.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary