Tamboŭski historyk Uładzimier Dziačkoŭ prapanavaŭ kananizavać Zoju Kasmadziamjanskuju. 13 vieraśnia joj spoŭniłasia b 85 hadoŭ. Na jahonuju dumku, jana adpaviadaje ŭsim prykmietam, pa jakich zaličajuć da śviatych.
Tamboŭski historyk Uładzimier Dziačkoŭ prapanavaŭ kananizavać Zoju Kasmadziamjanskuju. 13 vieraśnia joj spoŭniłasia b 85 hadoŭ. Na dumku tamboŭca, jana adpaviadaje ŭsim prykmietam, pa jakich zaličajuć da śviatych.
Praz paru dzion pieciarburski pratajarej Hieorhi Mitrafanaŭ vystupiŭ kateharyčna suprać hetaj prapanovy:
«Mučanickaj carkva pryznaje śmierć spaviadalnika pravasłaŭja, chryścijanina, za jahonuju vieru. Hibiel Zoi Kasmadziamjanskaj, jakaja była aktyŭnaj kamsamołkaj i stalinistkaj, nia moža razhladacca jak śmierć za vieru, — pieradaje pravasłaŭnaje infarmahienctva «Vada žyvaja». — Zoja Kasmadziamjanskaja — unučka śviatara, zabitaha balšavikami j kananizavanaha Rasiejskaj pravasłaŭnaj carkvoj. Možna tolki ŭražvacca, jak unučka śviatarnamučanika mahła žyć hetak daloka ad žyćcia carkvy».
Śviatar taksama dadaŭ, što ad dziejnaści hrupy Kasmadziamjanskaj ciarpieli nia stolki niemcy, jak cyvilnyja nasielniki.
Cytata pa temie:
Nichto nie prynižaje jaje hieraizmu, ale ž my viedajem i toje, što rychtavali takich, jak jana, raźviedčykaŭ-dyversantaŭ na praciahu paŭtara miesiaca, a potym zakidvali ci pasyłali prosta ŭ tył, kab tam jany što-niebudź padpalili, uzarvali. Zdajecca, kala troch tysiač čałaviek było padrychtavana ŭ toj škole raźviedčykaŭ-dyversantaŭ, ale, nakolki ja viedaju, pałova ź ich zahinuła, tak ničoha i nie zrabiŭšy..
Alaksiej Dudaraŭ, «Kultura».
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu8
Kamientary