Dacki inžynier i vynachodnik Pieter Madsen, jaki padazrajecca ŭ zabojstvie šviedskaj žurnalistki Kim Val, daŭ častkovyja pryznalnyja pakazańni. 46-hadovy Madsen paviedamiŭ, što rasčlaniŭ cieła Val na borcie svajoj padvodnaj łodki i skinuŭ častki cieła ŭ mora, zajaviła palicyja ŭ Kapienhahienie ŭ paniadziełak, piša Deutsche Welle.
Razam z tym jon pa-raniejšamu admaŭlaje fakt zabojstva žurnalistki. Pavodle jaho novaj viersii, jana zahinuła padčas sumiesnaha vychadu ŭ mora ad atručvańnia čadnym hazam unutry padvodnaj łodki ŭ toj čas, jak jon sam znachodziŭsia na pavierchni.
U pačatku kastryčnika dackaja palicyja paviedamiła pra vyjaŭleńnie hałavy i noh zahinułaj pry tajamničych abstavinach žurnalistki. Pa dadzienych palicyi, na čerapie Kim Val niama nijakich paškodžańniaŭ. Palicyja pradjaviła abvinavačvańnie ŭ zabojstvie žurnalistki Pieteru Madsenu, zatrymanamu paśla taho, jak jaho submaryna zatanuła, a jon sam vyratavaŭsia.
23 žniŭnia palicyja identyfikavała abiezhałoŭlenaje žanočaje tułava, jakoje vyniesła z mora na bierah u rajonie Kapienhahiena. Pryčyna śmierci Kim Val da hetaha času nie ŭstanoŭlena. Madsen raniej taksama zajaŭlaŭ, što Val zahinuła vypadkova ad udaru 70-kiłahramovym lukam na jaho padłodcy.
30-hadovaja Kim Val źbirałasia ŭziać u Madsena intervju na borcie skanstrujavanaj im submaryny «UC3 Nautilus». 10 žniŭnia jana źnikła.
***
Na telehram-kanał «Našaj Nivy» možna padpisacca tut.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary