Дацкі інжынер і вынаходнік Петэр Мадсэн, які падазраецца ў забойстве шведскай журналісткі Кім Валь, даў частковыя прызнальныя паказанні. 46-гадовы Мадсэн паведаміў, што расчляніў цела Валь на борце сваёй падводнай лодкі і скінуў часткі цела ў мора, заявіла паліцыя ў Капенгагене ў панядзелак, піша Deutsche Welle.
Разам з тым ён па-ранейшаму адмаўляе факт забойства журналісткі. Паводле яго новай версіі, яна загінула падчас сумеснага выхаду ў мора ад атручвання чадным газам унутры падводнай лодкі ў той час, як ён сам знаходзіўся на паверхні.
У пачатку кастрычніка дацкая паліцыя паведаміла пра выяўленне галавы і ног загінулай пры таямнічых абставінах журналісткі. Па дадзеных паліцыі, на чэрапе Кім Валь няма ніякіх пашкоджанняў. Паліцыя прад'явіла абвінавачванне ў забойстве журналісткі Петэру Мадсэну, затрыманаму пасля таго, як яго субмарына затанула, а ён сам выратаваўся.
23 жніўня паліцыя ідэнтыфікавала абезгалоўленае жаночае тулава, якое вынесла з мора на бераг у раёне Капенгагена. Прычына смерці Кім Валь да гэтага часу не ўстаноўлена. Мадсэн раней таксама заяўляў, што Валь загінула выпадкова ад удару 70-кілаграмовым люкам на яго падлодцы.
30-гадовая Кім Валь збіралася ўзяць у Мадсэна інтэрв'ю на борце сканструяванай ім субмарыны «UC3 Nautilus». 10 жніўня яна знікла.
***
На тэлеграм-канал «Нашай Нівы» можна падпісацца тут.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары