U Biarozaŭcy da pomnika Leninu prynieśli vianok z čarapami FOTA
«Kab nahadać pra tyja miljony ludziej, jakich balšaviki zabili», — raspavioŭ pra ŭčynak miascovy aktyvist Vitold Ašurak. Sam jon užo sabraŭ zaplečnik, maje pry sabie pašpart i cyharety, bo viedaje, što za takoje moža być pakarany, piša «Radyjo Svaboda».
Vianok aktyvisty kupili ŭ kramie. «Paličyli, što kvietki buduć takomu katu zanadta, to kvietki sastryhli. Prymacavali vyjavy čarapoŭ i nadpis «Hary, kat, u piekle». Dadali trochi kalučaha drotu, kab było malaŭniča. Kalučy drot — heta symbal balšavizmu», — raspaviadaje Ašurak. Pakinuli kala pomniku i tradycyjnyja dla takoha miesca hvaździki.
Vitold Ašurak kaža, što ciapier u Biarozaŭcy da pomnika Leninu nie prychodzić, a «prachodziać». Zhadvaje, jak babula raspaviadała jamu, što raniej hety pomnik składaŭsia z dvuch asobaŭ: Lenina i Stalina. Stalina paźniej prybrali, a Lenin zastaŭsia.
Jašče školnikam Vitolda vadzili da pomnika. «Apošnim časam jon staić zaniadbany. Pałuščyŭsia ŭvieś, staić, jak u karoście. Takoje adčuvańnie, što chutka jaho zdymuć. Bo jon užo nie vykonvaje tuju funkcyju, jakaja jamu pryznačałasia», — kaža Vitold Ašurak.
Pavodle aktyvista, kali jany spraŭdzili miesca praz paŭhadziny, vianka kala pomniku ŭžo nie było.
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary