Łukašenka — bankiram: Vas u narodzie nazyvajuć «zboryščam tłustych katoŭ»

Zarobak u bankaŭskaj śfiery pavinien adpaviadać ŭzroŭniu zarobkaŭ u krainie. Pra heta Alaksandr Łukašenka zajaviŭ siońnia padčas dakładu pa asobnych pytańniach kredytna-finansavych arhanizacyj.

«Nie stanu chavać, napeŭna, z padačy ŭrada, my abychodzim hałoŭnaje pytańnie, pa jakim siońnia taksama budzie razmova: hrašovaje zabieśpiačeńnie, zarobak, bonusy rabotnikaŭ i kiraŭnikoŭ bankaŭskich ustanoŭ. Tut mianie pieraścierahajuć ad adkrytaj na hetuju temu razmovy, što heta, maŭlaŭ, nie spadabajecca MVF, moža, i jašče niejkim mižnarodnym arhanizacyjam. Pakul ja prezident Biełarusi i nie płanuju być prezidentam ci kiraŭnikom mižnarodnych arhanizacyj, tamu i vam taksama raju adkazvać i zajmacca pytańniami Biełarusi», — skazaŭ Alaksandr Łukašenka.

Kiraŭnik dziaržavy adznačyŭ, što čym bahaciejšyja ludzi ŭ krainie, tym lepš dla jaje kiraŭnictva.

«Ale my viedajem realnaść, u jakoj žyvie narod Biełarusi: siońnia nichto nie raskašuje.

Piaćsot dalaraŭ abo tysiaču rubloŭ, pra jakija my havaryli, — z takoj vialikaj pracaj va ŭrada i ŭ tym liku Nacyjanalnaha banka z padkantrolnymi bankami, tak ciažka idzie hetaje pytańnie. Dyk davajcie budziem adpaviadać i ŭ bankaŭskaj sistemie hetamu. Heta značyć zarobak pavinien być zaroblenym, zaŭsiody bankiry pra heta kažuć, i ja ich u hetym padtrymlivaju. Pa ŭsioj krainie daremnaha zarobku być nie pavinna. Značyć, i ŭ bankaŭskaj sistemie zarobak musić być zaroblenym, — miarkuje Łukašenka.

Alaksandr Łukašenka źviarnuŭ uvahu na toj fakt, što bankiry padzialajuć svoj zarobak i zaroblenyja bonusy. «A što heta nie hrošy? Možna vybudavać takuju sistemu, što budzieš kapiejki atrymlivać na praciahu miesiaca, hoda, a bonusami možna zadušycca, jak u narodzie kažuć. Tamu davajcie hladzieć u cełym na toje, jak heta budzie vyhladać. Ja tolki što kazaŭ pra uzroŭni zarabotnaj płaty ŭ krainie.

Chaciełasia b, kab bankaŭskaja sistema nie była, cytuju narod, «zboryščam tłustych katoŭ» (heta nie tolki kaža rabočy i sielanin, heta kaža ŭsia intelihiencyja).

Bankaŭskija rabotniki pavinny adpaviadać tamu ŭzroŭniu, jaki skłaŭsia ŭ krainie pa zarabotnaj płacie i dachodach», - zajaviŭ kiraŭnik dziaržavy.

Jon padkreśliŭ, što zarobak pavinien adpaviadać jakaści i abjomu vykananych rabot. «Nie dumaju, što kiraŭnik kankretnaha pryvatnaha ci dziaržbanka pracuje bolš i bolš jakasna, čym staršynia Nacyjanalnaha banka. Kali tak, to treba prezidentu zadumacca. Ale pakul ja baču, što heta nie tak. Tamu pryviazać zarabotnuju płatu z bonusami i inšym da staršyni Nacyjanalnaha banka — heta całkam narmalna», - upeŭnieny Alaksandr Łukašenka.

Kiraŭnik dziaržavy źviarnuŭ uvahu, što ŭ bankaŭ niama svaich hrošaj. Jany karystajucca srodkami fizičnych i jurydyčnych asob. «Ja kaliści skazaŭ: kali ty na Zachadzie znajšoŭ $1 młrd pad 1%, pryvioz u krainu i vydaŭ pad 2,5%, tady my pavinny vielmi mocna zaachvocić hety bank i jaho kiraŭnika. Heta budzie zrazumieła», - adznačyŭ kiraŭnik krainy.

• 0
• 0
• 0
• 0
• 0
• 0
• 0
• 0