Łukašenka paabiacaŭ dapamahčy prezidentu Brazilii ź pieraabrańniem. Chaj toj tolki paprosić
Alaksandr Łukašenka vykazaŭ padtrymku 80‑hadovamu prezidentu Brazilii Łuisu Inasiu Łułu da Siłvu i zapeŭniŭ, što ŭ vypadku nieabchodnaści moža jamu dapamahčy. Jon skazaŭ heta padčas sustrečy z pasłom Brazilii ŭ Biełarusi Biernardo Klinhłam.
Padčas razmovy Łukašenka adznačyŭ, što dla Brazilii nabližajecca składany pieradvybarčy pieryjad, i Minsk spadziajecca, što ciapierašni prezident zachavaje svaju pasadu. Ź jaho słoŭ, jon viedaje pra toje, što Łuła da Siłva paćvierdziŭ svoj udzieł u sioletnich vybarach.
Bolš taho, Łukašenka pry patrebie hatovy navat dapamahčy, kab vybary ŭ najbujniejšaj paŭdniovaamierykanskaj krainie praviali jak naležyć:
«My ŭsialak budziem spryjać tamu, kali heta treba dla Brazilii, kab vybary prajšli ŭ spakojnaj i mirnaj abstanoŭcy ŭ intaresach brazilskaha naroda. Kali heta treba budzie», — zajaviŭ jon.
Łuisu Inasiu Łuła da Siłva kiruje Brazilijaj z 1 studzienia 2023 hoda, a prezident tam abirajecca, pa prykładzie ZŠA, na 4 hady. Dla jaho heta ŭžo druhi termin, ale nie zapar — raniej Łuła da Siłva byŭ prezidentam Brazilii ŭ 2003‑2011 hadach. Brazilskaja kanstytucyja zabaraniaje zajmać pasadu prezidenta bolš za dva terminy zapar, ale ź pierapynkam dazvalaje.
Łuła da Siłva ŭ brazilskaj palitycy pradstaŭlaje levy palityčny śpiektr, jon lidar papulisckaj Partyi pracoŭnych. Jaho mocna nie lubić prezident ZŠA Donald Tramp, jaki ŭ lipieni ŭvioŭ suprać Brazilii 50% mytnyja taryfy. Padčas brazilskich vybaraŭ amierykanski lidar jaŭna budzie padtrymlivać kandydata z pravaha palityčnaha łahiera, prychilnika papiaredniaha prezidenta Žaira Bałsanaru, jakoha časta nazyvajuć «brazilskim Trampam». Apošni ciapier adbyvaje prysudžany jamu 27‑hadovy turemny termin za sprobu dziaržaŭnaha pieravarotu padčas papiarednich vybaraŭ.
Łuła da Siłva ŭ pramiežku pamiž svaimi prezidenckimi terminami, darečy, taksama zaznavaŭ kryminalny pieraśled. 12 lipienia 2017 hoda jaho sudzili pavodle spravy ab karupcyi i admyvańni hrošaj, i jon byŭ asudžany da 9 z pałovaj hadoŭ turmy. U listapadzie 2019 hoda, adnak, jon vyjšaŭ na svabodu, a ŭ sakaviku 2021 hoda Fiederalny viarchoŭny sud Brazilii admianiŭ usie abvinavačvańni na jahony adras.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB22
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ22
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ2
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary