Ministerstva finansaŭ Rasii padrychtavała zakonaprajekt, u jakim pryraŭnoŭvaje ŭvoz sankcyjnaj pradukcyi da kryminalnaj kantrabandy. Heta vynikaje z narmatyŭnaha aktu viedamstva, raźmieščanaha na partale pravavoj infarmacyi, paviedamlaje TASS.
Faktyčna Minfin pryraŭnoŭvaje «pierasoŭvańnie tavaraŭ, adnosna jakich ustanoŭleny zabarony i abmiežavańni na ichny ŭvoz u Rasijskuju Fiederacyju ci vyvaz ź jaje» da kantrabandy mocnadziejnych, atrutnych, vybuchovych, radyjeaktyŭnych rečyvaŭ, radyjacyjnych krynic, jadziernych materyjałaŭ, ahniastrelnaj zbroi abo jaje asnoŭnych častak, vybuchovych pryład, bojeprypasaŭ, zbroi masavaha paražeńnia. Zaraz adpaviedny artykuł Kryminalnaha kodeksa RF praduhledžvaje za hetyja złačynstvy kryminalnuju adkaznaść ad troch da siami hadoŭ.
7 žniŭnia 2014 hoda Rasija ŭviała abmiežavańni na impart charčovych tavaraŭ z krain, jakija ŭviali ŭ dačynieńni da jaje sankcyi: ZŠA, ES, Kanady, Aŭstralii i Narviehii.
Pad zabaronu patrapili miasa, kaŭbasy, ryba i morapradukty, harodnina, sadavina, małočnaja pradukcyja. Paźniej z-pad sankcyj byli vyviedzienyja bijałahična aktyŭnyja dabaŭki, spartovaje, dziciačaje i lačebna-prafiłaktyčnaje charčavańnie (u tym liku biezłaktoznaja pradukcyja).
Pieršapačatkova termin dziejańnia admysłovych ekanamičnych zachadaŭ składaŭ adzin hod, ale paźniej jon byŭ pavialičany. Ukazam prezidenta RF Uładzimira Pucina ad 30 červienia 2017 hady jon padoŭžany da 31 śniežnia 2018 hoda.
Zakonaprajekt praduhledžvaje ŭviadzieńnie takoha suvoraha pakarańnia za ŭvoz u RF partyi sankcyjnych tavaraŭ vartaściu bolšaj za 16700 dalaraŭ u ekvivalencie.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda4
Kamientary