Ułada2929

Łukašenka raspavioŭ, jakaja na siońnia hałoŭnaja zadača dziaržaŭnaj ułady

Dziaržaŭnaja ŭłada ŭ krainie pavinna praniknucca pačućciom, što kožny čałaviek pavinien mieć mahčymaść pracavać. Ab hetym Alaksandr Łukašenka zajaviŭ siońnia na dakładzie ŭrada, Nacbanka, abłvykankamaŭ i Minskaha harvykankama ab rabocie ekanomiki za minuły pieryjad 2017 hoda, acency vynikaŭ hoda i prajektach prahnozu, biudžetu i hrašova-kredytnaj palityki na 2018 hod.

«My pavinny być napoŭnieny pačućciom taho, što kožny čałaviek pavinien mieć mahčymaść pracavać», — padkreśliŭ Alaksandr Łukašenka.

«Ja adčuvaju i baču situacyju: čałaviek siońnia hatovy lubuju pracu vykonvać. Tak, jość 10% na ŭliku ŭ Šunieviča i inšych, ź imi my pracujem pa-svojmu, prytym žorstka pracujem. Ale tym, chto choča pracavać, treba dapamahčy ŭładkavacca i zapłacić, — pastaviŭ zadaču kiraŭnik krainy. — Tamu davajcie pačynać pracavać».

Akramia taho, źviarnuŭ uvahu kiraŭnik dziaržavy, ludzi pavinny nie tolki mieć pracu, ale i dobra zarablać. Jon nahadaŭ ab svaim daručeńni vyjści da kanca 2017 hoda na siaredni ŭzrovień zarobku ŭ krainie ŭ 1000 rubloŭ. «Inšaha vy i kazać nie pavinny. U advarotnym vypadku heta doraha abyjdziecca ŭradu», - papiaredziŭ Alaksandr Łukašenka.

Jon dapuściŭ, što ŭ pačatku 2018 hoda budzie bolš vychodnych, adpaviedna, ludzi buduć mienš pracavać i mohuć atrymać zarpłatu krychu nižej za zapłanavany ŭzrovień. «A dalej, druhi, treci, čaćviorty kvartały, my pavinny ŭžo pieraŭzychodzić 1 tys. Choć troški», - skazaŭ kiraŭnik dziaržavy.

Pavysić ž siaredni ŭzrovień dachodaŭ u krainie nieabchodna ŭ pieršuju čarhu za košt pavieličeńnia pamieru zarpłaty tym katehoryjam hramadzian, u jakich jana była nižej siaredniaha značeńnia, adznačyŭ Alaksandr Łukašenka.

«Voś vam zadača. I barani vas boh hetuju zadaču nie vykonvać, - zajaviŭ Prezident. - U nas vyznačana zadańnie. Nie budzie vykanana - hałavoj adkažacie».

«Pačynajcie realizavać toje, što ja vam kažu. Nie možacie, nie chočacie — idzicie. Vy dla taho i jość, kab vykanać hetyja daručeńni. Tym bolš ja nie patrabuju čahości zvyšnaturalnaha. Ja patrabuju zabiaśpiečyć choć trochi ludziej. Heta zadača dziaržaŭnaj ŭłady», — padkreśliŭ jon.

Kamientary29

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Maładziečnie paśla tatuiroŭki pamierła 21‑hadovaja dziaŭčyna 4

U Maładziečnie paśla tatuiroŭki pamierła 21‑hadovaja dziaŭčyna 

Usie naviny →
Usie naviny

Ina Macyjenka znajšłasia1

«Turma mnohich robić lepšymi. Nichto nie dakaža mnie advarotnaje». Palitviazień Huń adkazaŭ Paŭlučenku40

Vy dakładna ździviciesia: u Minsk chadziŭ aŭtobus z sapraŭdnymi łožkami dla pasažyraŭ1

Kiroŭca źbiŭ u Oršy 85‑hadovuju žančynu i sprabavaŭ jaje adciahnuć z darohi4

Epidemijołah raskazała, kolki nasielnictva chvareje štohod u Biełarusi ŭ siezon zachvorvalnaści na VRI i čaho čakać ad novaha karanavirusa

Nazvanyja pieršyja nobieleŭskija łaŭreaty1

Jak Kupałaŭski teatr upryhožyli da 105‑hodździa FOTY2

Anatol Kašpiroŭski terminova špitalizavany ŭ Maskvie. Jon ličyć, što ŭžo ničoha nie dapamoža7

Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy21

bolš čytanych navin
bolš łajkanych navin

U Maładziečnie paśla tatuiroŭki pamierła 21‑hadovaja dziaŭčyna 4

U Maładziečnie paśla tatuiroŭki pamierła 21‑hadovaja dziaŭčyna 

Hałoŭnaje
Usie naviny →

Zaŭvaha:

 

 

 

 

Zakryć Paviedamić