Jak paviedamlaje paŭdniovakarejskaje infarmacyjnaje ahienctva Yonhap sa spasyłkaju na kiraŭnictva štaboŭ paŭdniovakarejskaj armii, Paŭnočnaja Kareja zapuściła balistyčnuju rakietu.
Japonski telekanał NHK paviedamiŭ sa spasyłkaju na minabarony Japonii, što rakieta była skiravanaja na ŭschod i pralacieła nad japonskim vostravam Chakajda, upaŭšy ŭ mora ŭ adlehłaści kala 210 kiłamietraŭ ad japonskaj prefiektury Aamory ŭ vyklučnaj ekanamičnaj zonie Japonii. Takim čynam, rakieta była ŭ pavietry prykładna 50 chvilin, pralacieŭšy kala 1200 kiłamietraŭ.
Raniej paŭnočnakarejski režym vystupaŭ z pahrozami źniščeńnia pry dapamozie rakietnaha ŭdaru amierykanskaj vajskovaj bazy na vyśpie Huam, jakaja znachodzicca amal u troch z pałovaju tysiačach kiłamietraŭ ad paŭnočnakarejskich bierahoŭ.
Kamientary