Biełaruś zabiaśpiečyć padrychtoŭku da II Jeŭrapiejskich hulniaŭ 2019 hoda na samym vysokim uzroŭni. Pra heta Alaksandr Łukašenka zajaviŭ siońnia na sustrečy z prezidentam Jeŭrapiejskich alimpijskich kamitetaŭ Janiezam Kačyjančyčam, piša BiełTA.
«Vy pavinny viedać, što ŭ Biełarusi ŭ vas mocnaja apora. Vy zaŭsiody možacie raźličvać na našu krainu. Tym bolš napieradzie ŭ nas takaja vialikaja, znakavaja padzieja (II Jeŭrapiejskija hulni 2019 hodu), i nam treba budzie vielmi šmat zrabić, — skazaŭ kiraŭnik krainy. — Našy pradstaŭniki zusim niadaŭna paviedamlali ab situacyi, źviazanaj z padrychtoŭkaj da II Jeŭrapiejskich hulniaŭ. Chaču vas zapeŭnić, što ŭsio, što my paabiacali, da siaredziny 2019 hoda budzie madernizavana, pabudavana i aprabavana. i vy nie budziecie mieć nijakich prablem ni z haściami — ich raśsialeńniem, charčavańniem, — ni sa spartsmieny, trenierami, śpiecyjalistami, funkcyjanierami alimpijskich kamitetaŭ. My zrobim heta, jak i ŭłaściva Biełarusi, vielmi dušeŭna, adkryta».
«Heta buduć lepšyja Jeŭrapiejskija hulni. Bo hetaj Alimpijadaj budzie žyć ŭvieś biełaruski narod. Heta nie budzie łakalnaje mierapryjemstva. I ŭsie našy susiedzi buduć viedać, što tut alimpijada, dla ich buduć adkryty ŭsie dźviery. My zaprosim usich, chto zachoča pabyvać u našaj krainie. Heta ja vam harantuju», - padkreśliŭ Alaksandr Łukašenka.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary