Paściela — idealnaje asiarodździe dla razmnažeńnia hrybkovych kultur, a taksama šmat jakich inšych mikraarhanizmaŭ. Pra heta vydańniu Business Insider zajaviŭ mikrabijołah Ńju-Jorkskaha ŭniviersiteta Filip Tjerna.
U adnych tolki naŭlečkach moža być da 16 vidaŭ hrybkovych arhanizmaŭ, a akramia ich jość i tyja, što kancentrujucca ŭ składkach praściny i padkoŭdranika. Jany mohuć stać pryčynaj raźvićcia samych roznych zachvorvańniaŭ.
Pry hetym razam z bakteryjami i hrybkami, jakija źjaŭlajucca ŭ suviazi z potavydzialeńniem, u bialiźnie taksama žyvuć niebiaśpiečnyja mikraarhanizmy, jakija traplajuć u łožak razam z pyłam, hlebaj, poŭściu žyvioł i ekskremientami. Usio heta moža vyklikać jak minimum simptomy alerhičnych zachvorvańniaŭ.
Mikroby aktyŭna razmnažajucca ŭ składkach paścieli praz toje, što ŭ čas snu my stvarajem ciopłaje i vilhotnaje asiarodździe, jakoje jakraz i spryjaje razmnažeńniu bakteryj.
Štohod padčas snu arhanizm čałavieka vydzialaje kala 98 litraŭ potu, adznačajecca ŭ artykule.
Mikrabijołah raić myć paścielu jak minimum raz na tydzień, bo za hety čas niebiaśpiečny mikraśviet moža pieratvarycca ŭ realnuju pahrozu dla zdaroŭja čałavieka.
Ciapier čytajuć
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu12
Kamientary