Vital Cyhankoŭ: Rasijskija tok-šou majuć vialiki vychavaŭčy efiekt
Nie, nu nie havarycie mnie, što nie treba hladzieć rasiejskija tok-šou.
Pa-mojmu, jany niasuć vialiki vychavaŭčy effiekt. Uklučyš vypadkova raz na miesiac, i adrazu nadoŭha pranikaješsia dumkaj, nakolki my ŭsio ž ludzi ź inšych cyvilizacyjaŭ, ź inšych płaniet, ja b navat skazaŭ. Bo ŭ ich tam prosta niejkaja alternatyŭnaja realnaść)
Učora ŭ Sałaŭjova, abmierkavańnie Siryi. Hałoŭnaja teza — pieramahli tam usich rasiejcy, a padstupny Zachad čamuści ličyć, što pieramahła «kaalicyi z 60 dziaržavaŭ». Kraduć, svołačy, našu ruskuju pieramohu, jak kraduć i pieramohu ŭ Druhoj suśvietnaj vajnie, dzie jany ŭvohule ničoha nie rabili, a vajavali tolki my.
A čamu kraduć? Bo bajacca Rasiei. Voś pračynajecca Tramp z ranicy, i hladzić svoj rasparadak dnia. Što tam pa hrafiku? Punkt pieršy — bajacca Rasieju. I jość čaho bajacca, bo tolki ruskija rakiety traplali dakładna ŭ vokny terarystam, ruskija łazutčyki pranikali ŭ padziemnyja doty (nie inačaj, jak skroź ścieny prachodzili, heta vajennaja tajamnica)
A jašče hetyja s***i, libierały, unutry krainy, kažuć, što hrošy treba na pensii i zarobki davać. Heta pravakacyja, jany chočuć zdać našu pieramohu i razvalić krainu. Hrošy treba davać tolki na novyja bomby i rakiety.
I ŭvohule treba pakazvać svaju siłu, praciahvaje druhi. Nanieści ŭdar pa Kijevu, razbambić płantacyi ŭ Aŭhanistanie, zabrać narešcie Basforski praliŭ, raźmiaścić našy vajennyja bazy na Siejšiełach, u Vankuviery i kala San-Dyjeha. San-Dyjeha! Heta horad u ZŠA na miažy ź Mieksikaj.
I voś skažycie mnie, jany — adekvatnyja? U ich VUP padaje, dehradacyja navuki, adukacyi i achovy zdaroŭja, vymirańnie cełych rehijonaŭ — a jany pra bazy ŭ Kanadzie marać.
I jak viaršynia, pytańnie Sałaŭjova žurnalistu, jaki pracavaŭ u Siryi — «Tak čto — my, russkije, łučšie vsiech?»
Toj niejak sumieŭsia, adkazaŭ nievyrazna, aściarožna. A treba było skazać usiu praŭdu — «da, u nas, russkich, tri sierdca i čietyrie jajca. My voobŝie osobyj vid ludiej»
Apošniaja fraza była b padobna na praŭdu.
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady21
Kamientary