Dvoje mužčyn z Hruzii i Kazachstana zabili biełaruskaha biznesoŭca i jahonaha syna, sprabavali atrucić hazam žonku i jašče adno dzicia, paviedamlaje sb.by sa spasyłkaj na Śledčy kamitet.
U 2001 hodzie pradprymalnik z Babrujska staŭ achviaraj razbojnaha napadu, u jakim zahinuła i dzicia. Spravu ŭdałosia raskryć tolki praz doŭhi čas. Pra heta ŭ efiry «Alfa Radyjo» paviedamiła aficyjny pradstaŭnik Śledčaha kamiteta Biełarusi Julija Hančarova.
Złačyncy viedali, što mužčyna maje bujnuju sumu hrošaj. Jany napali na jaho, udaryli pa hałavie i zavałodali srodkami. Mužčyna ad udaru pamior, a złačyncy adpravilisia da jaho dadomu za dadatkovaj nažyvaj.
— Jany źviazali jaho žonku i dvaich małaletnich dziaciej, dali ŭ rot klapy i zapatrabavali vydać hrošy. Abšukaŭšy kvateru, mužčyny znajšli jašče 70 tysiač dołaraŭ. Jany vyrašyli nie pakidać śviedak, adkryli vientyli fajerak hazavaj plity. Ale davieści da kanca zadumanaje nie atrymałasia, tak jak susiedzi pačuli kryki i vyklikali milicyju. Haz pierakryli, dziakujučy čamu ŭdałosia vyratavać žančynu i jaje maleńkuju dačku. Adnak syn pamior ad aśfiksii.
Amal adzinaccać hadoŭ złačynstva zastavałasia nieraskrytym. Uvieś čas viałasia praca, padčas jakoj ustanavili asoby złačyncaŭ: heta byli dva braty — hramadzianie Hruzii i Kazachstana. Ale miescaznachodžańnie vyśvietlić nie atrymałasia. Mužčyn vyličyli pa adbitkach palcaŭ u kvatery.
U 2012 hodzie hetyja adbitki ŭ svajoj bazie vyjavili rasijskija kryminalisty. U Mahiloŭ z MUS Rasii prylacieła doŭhačakanaja viestka ab identyfikacyi asob pa adbitkach palcaŭ. Ale heta akazalisia nie tyja asoby, jakich ustanavili pieršapačatkova biełaruskija śledčyja, i navat nie ich svajaki.
Adbitki, pa źviestkach Rasii, naležali niejkim Asłanu i Ali, pa pašpartach — rasiejcam. Abodva byli asudžanyja i adbyvali pakarańnie ŭ kałonii. U Asłana i Ali jašče raz źniali adbitki palcaŭ, uziali na pravierku pašparty. Pry nahodzie ŭziali kroŭ na analiz u ich baćkoŭ z Hruzii. Akazałasia, što ŭ Rasiei adbyvali pakarańnie mienavita ich syny, a pašparty złačyncaŭ byli padroblenyja.
— Kali rasiejcam stała jasna, što pakaranyja ŭ ich ludzi nie źjaŭlajucca hramadzianami Rasii, stała zrazumieła, što pravilnaja infarmacyja była ŭ biełarusaŭ: heta hramadzianie Hruzii i Kazachstana. Atrymałasia, što adbitki byli adnych ludziej, a pa pašpartach heta byli inšyja ludzi. Vyśvietliłasia, što rasiejskija pašparty byli padroblenymi, i ŭsio-tki adbitki palcaŭ byli praŭdzivymi.
Kali heta było ŭstanoŭlena, paŭstała pytańnie ab ekstradycyi ich z Rasii. Paśla šerahu praciahłych pracedur, było vydadzienaje rašeńnie ab vydačy padazravanych Biełarusi.
Minułaj viasnoj jany byli viernutyja na Mahiloŭščynu, dzie im było pradjaŭlenaje abvinavačańnie. Ich pryznali vinavatymi va ŭžyvańni hvałtu, niebiaśpiečnaha dla žyćcia i zdaroŭja paciarpiełych, a taksama ŭ pahrozie prymianieńnia hetaha hvałtu, ździejśnienaha paŭtorna, hrupaj asobaŭ, z praniknieńniem u žyllo z metaj zavałodańnia majomaściu ŭ asabliva bujnym pamiery, z pryčynieńniem ciažkaha cialesnaha paškodžańnia, padvojnym zabojstvie, uklučajučy małaletniaha, i zamachu na zabojstva dźviuch asob. Ich prysudzili da 24 i 25 hadoŭ pazbaŭleńnia voli. Varta zaznačyć, što jany tak i nie pakajalisia.
***
Na telehram-kanał «Našaj Nivy» možna padpisacca tut.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary