Kancler Niamieččyny Anhieła Mierkiel i prezident Francyi Emaniuel Makron zapatrabavali viartańnia rasijskich aficeraŭ u skład Sumiesnaha centra kantrolu i kaardynacyi režymu spynieńnia ahniu (SCKK) na Danbasie. Pra heta havorycca ŭ sumiesnaj zajavie, apublikavanaj na sajcie ŭrada Hiermanii.
U dakumiencie havorycca, što SCKK hraje važnuju rolu ŭ padtrymcy naziralnikaŭ ABSE i kantroli za pahadnieńniami ab spynieńni ahniu. «Jany [Mierkiel i Makron] patrabujuć viartańnia rasijskich aficeraŭ u Sumiesny centr kantrolu i kaardynacyi režymu spynieńnia ahniu (SCKK)», — havorycca ŭ zajavie.
«Kancler Hiermanii Mierkiel i prezident Francyi Makron zaklikajuć abodva baki kanfliktu vykanać svaje abaviazki i jak maha chutčej realizavać damoŭlenaści, jakija jany padpisali, kab źmiakčyć pakuty nasielnictva, jakoje niasie asnoŭny ciažar pakut u ciapierašniaj situacyi», - zajavili lidary dźviuch krain.
Jany zapatrabavali taksama vykanać damoŭlenaści pra abmien pałonnymi i advod ciažkich uzbrajeńniaŭ ad linii sudakranańnia. Mierkiel i Makron vitali zaklučeńnie pahadnieńnia ab spynieńni ahniu na navahodnija śviaty.
Raniej Mierkiel praviała telefonnyja pieramovy z prezidentam Rasii Uładzimiram Pucinym i prezidentam Ukrainy Piatrom Parašenkam. U Pucina kancler pacikaviłasia pryčynami vyvadu rasijskich aficeraŭ z SCKK na Danbasie. Abodva lidary, jak paviedamiła pres-słužba Kramla, damovilisia i dalej abmiarkoŭvać pytańni dla adnaŭleńnia paŭnavartasnaj pracy SCKK.
Padčas pieramovaŭ z Parašenkam baki pryjšli da vysnovy, što rasijskija aficery pavinny viarnucca va Ukrainu dla dalejšaj pracy, paviedamiŭ sajt urada FRH.
Drukujecca ŭ miežach śpiecyjalnaj rubryki «Naviny Hiermanii»
Kamientary