Navukoŭcy, mahčyma, znajšli sposab zapavolić stareńnie mozhu
Daśledčyki z Stenfardskaha ŭniviersiteta praviali ekśpierymienty ź pieralivańniem kryvi myšam i vyjavili pracesy, jakija vyklikajuć u hryzunoŭ zaŭčasnaje stareńnie, paviedamlaje partał Science News.
U chodzie daśledavańnia bijołahi vyvučyli aktyŭnaść hienaŭ u starych kletkach hiemata-encefaličnaha barjeru, jaki adździalaje kryvanosnuju sistemu ŭ mozhu ad niervovych kletak. Navukoŭcy ŭvodzili płazmu kryvi starych myšej u čerap maładych hryzunoŭ i analizavali ŭpłyŭ injekcyi na hipakamp — najbolš ŭraźlivy dla niejradehienieratyŭnych chvarob abšar mozhu.
Vyśvietliłasia, što paśla pieralivańnia ŭ kletkach barjeru aktyvujucca hieny, jakija adkazvajuć za sintez białku VCAM1.
U maładych myšej źjavilisia prykmiety parušeńnia pracy mozhu, zapaleńni, źmienšyłasia taksama «naradžalnaść» novych niervovych kletak. Na starych ža hryzunach injekcyja takoha efiektu nie vyklikała.
Navukoŭcy miarkujuć, što błakavańnie białku VCAM1 moža dapamahčy praduchilić zaŭčasnaje stareńnie mozhu. Užo dla hienietyčna madyfikavanych maładych hryzunoŭ płazma starych myšej nie takaja niebiaśpiečnaja, niejradehienieracyju taksama atrymałasia spynić z dapamohaj antyciełaŭ.
Vyniki ekśpierymientu, jak ličać bijołahi, mohuć być karysnyja dla raspracoŭki antyŭzrostavaje terapii, jakaja b ŭździejničała na barjer pamiž kryvanosnaj sistemaj i niervovymi kletkami.
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin8
Kamientary