Inflacyja ŭ Vieniesuele ŭ hadavym vymiareńni sa studzienia 2017 hoda pa studzień 2018 hoda skłała 4068%. Pra heta havorycca ŭ dakładzie kiraŭnika kamisii pa finansach i ekanamičnamu raźvićciu parłamienta krainy Rafaela Husmana.
Husman na pasiadžeńni ŭrada abviaściŭ, što indeks hipierinflacyi ŭ studzieni skłaŭ 84,2%, što pieravyšaje anałahičnyja pakazčyki luboj inšaj krainy. Adkaznaść za situacyju ŭ ekanomicy jon uskłaŭ na prezidenta Nikałasa Madura.
Kiraŭnik kamisii padkreśliŭ, što vieniesuelski lidar prymaŭ nieefiektyŭnyja ekanamičnyja miery, jakija pryviali da taho, što kraina «pahruziłasia ŭ samy horšy ekanamičny kryzis za ŭsiu svaju historyju».
Tym časam prezidenckija vybary ŭ Vieniesuele projduć 22 krasavika. Pra heta paviedamiŭ vybarčy orhan krainy.
Pa słovach prezidenta Daminikanskaj Respubliki Daniła Miedzina, jaki arhanizavaŭ sustreču apazicyi i dziaržaŭnych pradstaŭnikoŭ Vieniesueły, pra datu damovilisia ŭdzielniki pieramovaŭ. Pavodle jaho słoŭ, apazicyja chacieła pravieści vybary 10 červienia, kab u partyj byŭ čas arhanizavać prajmieryz. Adnak, pradstaŭniki ŭrada nastojvali na praviadzieńni vybaraŭ da 8 sakavika.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?66
Kamientary