Інфляцыя ў Венесуэле ў гадавым вымярэнні са студзеня 2017 года па студзень 2018 года склала 4068%. Пра гэта гаворыцца ў дакладзе кіраўніка камісіі па фінансах і эканамічнаму развіццю парламента краіны Рафаэля Гусмана.
Гусман на пасяджэнні ўрада абвясціў, што індэкс гіперінфляцыі ў студзені склаў 84,2%, што перавышае аналагічныя паказчыкі любой іншай краіны. Адказнасць за сітуацыю ў эканоміцы ён усклаў на прэзідэнта Нікаласа Мадура.
Кіраўнік камісіі падкрэсліў, што венесуэльскі лідар прымаў неэфектыўныя эканамічныя меры, якія прывялі да таго, што краіна «пагрузілася ў самы горшы эканамічны крызіс за ўсю сваю гісторыю».
Тым часам прэзідэнцкія выбары ў Венесуэле пройдуць 22 красавіка. Пра гэта паведаміў выбарчы орган краіны.
Па словах прэзідэнта Дамініканскай Рэспублікі Даніла Медзіна, які арганізаваў сустрэчу апазіцыі і дзяржаўных прадстаўнікоў Венесуэлы, пра дату дамовіліся ўдзельнікі перамоваў. Паводле яго слоў, апазіцыя хацела правесці выбары 10 чэрвеня, каб у партый быў час арганізаваць праймерыз. Аднак, прадстаўнікі ўрада настойвалі на правядзенні выбараў да 8 сакавіка.
-
Літоўскую актывістку, якая пастаянна гойсала ў Мінск, асудзілі да абмежавання волі за адмаўленне злачынстваў СССР
-
Еўрапарламент прыняў рашэнне адмяніць еўрапейскія пошліны на прамысловыя тавары з ЗША
-
«Вельмі цікавыя заявы саюзніка Пуціна». Кіраўнік МЗС Германіі адрэагаваў на заявы Лукашэнкі пра вайну ва Украіне
Цяпер чытаюць
Беларуска знайшла італьянскую сям’ю, якая прыняла яе пасля Чарнобыля. Яна думала, што італьянцы яе кінулі4
Каментары