U Jeŭrazijskaj ekanamičnaj kamisii (JEEK) ličać, što Biełaruś parušyła punkty Damovy ab JEAES, jakaja abaviazvaje členaŭ sajuza zabiaśpiečyć abarot pradukcyi, jakaja adpaviadaje patrabavańniam sajuza, biez dadatkovych pracedur.
Pra heta havorycca ŭ paviedamleńni pres-słužby JEEK u adkaz na zapyt TUT.BY ab uździejańni pastanovy ŭrada Biełarusi № 666 na handal ŭnutry Jeŭrazijskaha ekanamičnaha sajuza.
U Biełarusi dziejničaje abaviazkovaja pracedura dziaržaŭnaj sanitarna-hihijeničnaj ekśpiertyzy impartnaj pradukcyi dla pryblizna 150 tavarnych pazicyj. Jaje praviadzieńnie abaviazkovaje dla charčovych praduktaŭ, tavaraŭ dla dziaciej, parfumierna-kaśmietyčnych srodkaŭ, srodkaŭ hihijeny rota, budaŭničaj syraviny i materyjałaŭ, bytavoj techniki, aŭtamabilnych kampanientaŭ i h.d. Biełaruskija orhany, jakija adkazvajuć za siertyfikacyju, nieadnarazova skardzilisia na nienaležnuju jakaść sanitarna-hihijeničnaj ekśpiertyzy spažyvieckich tavaraŭ u Rasii. U suviazi z hetym i byli ŭviedzienyja dadatkovyja patrabavańni.
Niadaŭna rasijskija vytvorcy paskardzilisia premjer-ministru Rasii Dźmitryju Miadźviedzievu na toje, što dziejańni Minska stvarajuć niadobrasumlennuju kankurencyju i źjaŭlajucca barjeram dla funkcyjanavańnia ŭnutranaha rynku JEAES.
Jany ličać, što Maskvie taksama varta vyvučyć mahčymaść ŭstanoŭki dadatkovych handlovych abmiežavańniaŭ. Pastanova № 666 razhladałasia na niadaŭnim pasiadžeńni mižuradavaha savieta JEAES. Pa vynikach pasiadžeńnia premjery prapanavali ekśpiertam nacyjanalnych uradaŭ da krasavika padrychtavać infarmacyju ab uździejańni pastanovy № 666 na biznes inšych krain JEAES.
Jak udałosia vyśvietlić TUT.BY, dadzienaja prablematyka ŭžo daŭno abmiarkoŭvajecca na sajuznym uzroŭni. Niadaŭna JEEK apaviaściła Biełaruś pra nieabchodnaść vykanańnia zakanadaŭstva JEAES.
U Jeŭrazijskaj ekanamičnaj kamisii nahadali, što, pavodle Damovy ab JEAES, dziaržavy-členy ŭziali na siabie abaviazacielstvy pa farmiravańni sistemy techničnaha rehulavańnia, jakaja dazvalaje prymać miery pa abaronie žyćcia i zdaroŭja čałavieka, nie stvarajučy administracyjnych barjeraŭ pry pieramiaščeńni tavaraŭ ŭnutry sajuza.
«Niepryznańnie vynikaŭ rabot akredytavanych orhanaŭ pa acency adpaviednaści inšych dziaržaŭ-členaŭ (praviadzieńnie paŭtornych vyprabavańniaŭ i dadatkovych daśledavańniaŭ) idzie nasupierak dasiahnutym damoŭlenaściam pa farmiravańni adzinaj sistemy techničnaha rehulavańnia ŭ Sajuzie i źjaŭlajecca barjeram na ŭnutranym rynku JEAES», havorycca ŭ paviedamleńni.
Ciapier čytajuć
ZŠA pieradali Łukašenku najnoŭšyja amierykanskija leki dla pachudzieńnia18
Kamientary