Stała viadoma, što adzin zajaŭnik atrymaŭ admovu, choć u jaho dziadoŭ i baćki było polskaje hramadzianstva.
Hramadzian Ukrainy, jakija chočuć atrymać vid na žycharstva ŭ Polščy, pytajucca pra ich staŭleńnie da Ściapana Bandery i UPA. Kali aplikant vahajecca abo niedastatkova vyrazna vykazvajecca pa hetych pytańniach, to zajaŭki adchilajucca, pieradaje «Jeŭrapiejskaja praŭda», spasyłajučysia na RP.pl
Paviedamlajecca, što adzin zajaŭnik atrymaŭ admovu, choć jaho dziady i baćka mieli polskaje hramadzianstva.
Adkazvajučy na pytańnie pra svajo staŭleńnie da dziejnaści AUN-UPA, jon adkazaŭ: «A chiba ja viedaju, nikoli nie byŭ u hetych suviaziach, tamu ja nie viedaju. U kožnaha svaja praŭda. Kažuć, jany byli ŭ Polščy i Ukrainie. Nikoli ŭ heta nie ŭdumvaŭsia».
Inšaje pytańnie datyčyłasia trahiedyi na Vałyni. «Ja čuŭ, i čuŭ, što niadaŭna vyjšaŭ film. Ale tam byli maskoŭcy ŭ tym liku, to sapraŭdy nieviadoma chto i što zrabiŭ… Šmat ludziej zahinuła, heta tolki viadoma.»
Kamientary